ଭୁବନେଶ୍ୱର: ୨୦୨୦ ସେପ୍ଟେମ୍ବର ସୁଦ୍ଧା ତାଳଚେର ସାର କାରଖାନା ପୁନରୁଦ୍ଧାର ହେବ। ଏଥିପାଇଁ ପ୍ରାୟ ୮ହଜାର କୋଟି ଟଙ୍କା ନିବେଶ ହେବ। କାରଖାନା ପନରୁଦ୍ଧାର ନେଇ ବସିଥିବା ଉଚ୍ଚସ୍ତରୀୟ ବୈଠକପରେ ମୁଖ୍ୟ ଶାସନ ସଚିବ ଆଦିତ୍ୟ ପାଢ଼ୀ ଏହି ସୂଚନା ଦେଇଛନ୍ତି।
କେନ୍ଦ୍ର ସାର ରସାୟନ ମନ୍ତ୍ରାଳୟ, ଗ୍ୟାସ ଅଥରଟି,ରାଷ୍ଟ୍ରୀୟ କ୍ୟାମିକାଲ, ଫର୍ଟିଲାଇଜର ଲିମିଟେଡ୍ ଏବଂ ଗ୍ୟାସ ଅଥରିଟି ଅଫ୍ ଇଣ୍ଡିଆ ଲିମିଟେଡ୍ର ମିଳିତ ସହଯୋଗରେ କାରଖାନା ପ୍ରତିଷ୍ଠା ହେବ।ଏଥିପାଇଁ ରାଜ୍ୟ ସରକାରଙ୍କ ପକ୍ଷରୁ ଆବଶକୀୟ ସହଯୋଗ ପ୍ରଦାନ ନେଇ ଆଜିର ବୈଠକରେ ଆଲୋଚନା ହୋଇଥିଲା। ଏଥିପାଇଁ ଟେଣ୍ଡର ପ୍ରକ୍ରିୟା ଖୁବ୍ ଶୀଘ୍ର ଆରମ୍ଭ ହେବ ବୋଲି କେନ୍ଦ୍ର ସାର ଓ ରସାୟନ ମନ୍ତ୍ରଣାଳୟର ଯୁଗ୍ମ ସଚିବ ସୂଚନା ଦେଇଛନ୍ତି।
ଏହି ବୈଠକରେ ମୁଖ୍ୟ ଶାସନ ସଚିବଙ୍କ ସମେତ କେନ୍ଦ୍ର ସାର ଓ ରସାୟନ ମନ୍ତ୍ରଣାଳୟର ଯୁଗ୍ମ ସଚିବ, ଶିଳ୍ପ,ରାଜସ୍ୱ,ପୂର୍ତ୍ତ, ଆଇଟି ଓ ଶକ୍ତି ବିଭାଗର ସଚିବମାନେ ଉପସ୍ଥିତ ଥିଲେ।