ବାଲେଶ୍ୱର: ବିମୁଦ୍ରାକରଣର ପ୍ରଭାବ ଜମି କିଣାବିକା ଉପରେ ପଡ଼ିଛି। ଦେଢ଼ ମାସରେ ବାଲେଶ୍ୱର ଜିଲ୍ଲାରେ ଦେଢ କୋଟି ଓ ଭୁବନେଶ୍ୱରରେ ୩୫ ପ୍ରତିଶତରୁ ଅଧିକ ରାଜସ୍ୱହାନୀ ଘଟିଛି।
କେନ୍ଦ୍ର ସରକାରଙ୍କ ବିମୁଦ୍ରାକରଣ ଯୋଗୁଁ ବାଲେଶ୍ୱର ଜମି କିଣାବିକା କମିଛି। ରେଜିଷ୍ଟ୍ରାର ଅଫିସ୍ ଖାଁଖାଁ ଦେଖାଯାଉଛି। ଆଗପରି ଆଉ ଗହଳି ଦେଖିବାକୁ ମିଳୁନି। ଜିଲ୍ଲାରେ ଥିବା ୯ଟି ସବ୍ରେଜିଷ୍ଟ୍ରାର ଅଫଇସ୍ରେ ମଧ୍ୟ ସମାନ ସ୍ଥିତି। ଗତବର୍ଷ ନଭେମ୍ୱର ୮ରୁ ଡିସେମ୍ୱର ୨୦ ମଧ୍ୟରେ ବାଲେଶ୍ୱରରେ ୨,୫୩୧ଟି ଜମି କିଣାବିକା ହୋଇଥିଲା। ଏଥିରୁ ୪କୋଟି ୫୦ ଲକ୍ଷ ୨୮ ହଜାର ଟଙ୍କାର ରାଜସ୍ୱ ମିଳିଥିଲା। ଚଳିତବର୍ଷ ବିମୁଦ୍ରାକରଣ ଯୋଗୁଁ ନଭେମ୍ୱର୮ରୁ ଡିସେମ୍ୱର ୨୦ ମଧ୍ୟରେ ୧୫୨୩ ଟି ଜମି କିଣାଯାଇ ରାଜସ୍ୱ ବାବଦକୁ ୩ କୋଟି ଏକ ଲକ୍ଷ ଟଙ୍କା ଆଦାୟ କରାଯାଇଛି। ଫଳରେ ଚଳିତ ବର୍ଷ ଦେଢ଼ କୋଟି ଟଙ୍କା ରାଜସ୍ୱହାନୀ ଘଟିଛି।
ରାଜଧାନୀ ଭୁବନେଶ୍ୱର ସବ୍ରେଜିଷ୍ଟ୍ରାର ଅଫିସ୍ରେ ମଧ୍ୟ ସମାନ ସ୍ଥିତି। ବିମୁଦ୍ରାକରଣ ପରେ ଜମି କିଣାବିକା ବହୁ କମିଛି। ରାଜସ୍ୱ ଆୟ ୩୫ରୁ ୪୫ ପ୍ରତିଶତ କମିଛି। ମୋହରୀମାନେ ହାତ ବାନ୍ଧି ବସିଛନ୍ତି।