ଦେଶରେ ପ୍ରଥମଥର ଲାଗି ନିଲାମ ହେବ ଅଏଲ ଓ ଗ୍ୟାସ ଫିଲଡ୍

ନୂଆଦିଲ୍ଲୀ: ଦେଶରେ ପ୍ରଥମ ଥର ଲାଗି ନିଲାମ ହେବ ଅଏଲ ଓ ଗ୍ୟାସ୍ ଫିଲଡ। ଅର୍ଥନୈତିକ ସଂସ୍କାର ପ୍ରକ୍ରିୟାକୁ ଆଗକୁ ବଢାଇବା ପଦକ୍ଷେପ ଅନ୍ତର୍ଗତ କେନ୍ଦ୍ର ସରକାର ଆଜି ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଓଏନଜିସି ଓ ଆଏଲ ଇଣ୍ଡିଆ ଭଳି ସରକାରୀ ଉଦ୍ୟୋଗ ଛାଡି ଦେଇଥିବା ୬୯ଟି କ୍ଷୁଦ୍ର ଗ୍ୟାସ୍ ଓ ଅଏଲ ଫିଲଡକୁ ସରକାର ଘରୋଇ କଂପାନିଙ୍କ ଲାଗି ନିଲାମ କରିବେ। ଏଥିରୁ ସରକାରଙ୍କୁ ୭୦ ହଜାର କୋଟିରୁ ଅଧିକ ଟଙ୍କା ମିଳିବ ବୋଲି ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୂଚନା ଦେଇଛି।  ଘରୋଇ କଂପାନିଙ୍କୁ ଅଏଲ ଓ ଗ୍ୟାସ୍ ଫିଲଡ୍ ଦିଆଯିବା ଦ୍ୱାରା ଉତ୍ପାଦନ ବଢିବ ବୋଲି ସେ ଆଶା ପ୍ରକାଶ କରିଛନ୍ତି। ଆସନ୍ତା ତିନି ମାସ ମଧ୍ୟରେ ବିଡିଂ ପ୍ରକ୍ରିୟା ଆରମ୍ଭ ହେବ। ଆକାର ଓ ଅବସ୍ଥିତି ଦୃଷ୍ଟିରୁ ଏସବୁ ସ୍ଥାନରୁ ଆଏଲ ଓ ଗ୍ୟାସ ଉତ୍ତୋଳନ ସରକାରଙ୍କ ପାଇଁ ଲାଭଦାୟକ ହେଉନଥିବାରୁ ଏହାକୁ ଘରୋଇ ଫାର୍ମକୁ ଦେବା ଲାଗି ନିଷ୍ପତ୍ତି ହୋଇଛି।