ଶାଓମିର ଏହି ଦୁଇଟି ସ୍ମାର୍ଟଫୋନ୍‌ର ମୂଲ୍ୟ କମିଲା

ନୂଆଦିଲ୍ଲୀ: ଚାଇନିଜ୍‌ ସ୍ମାର୍ଟଫୋନ୍ କମ୍ପାନୀ ଶାଓମି ଭାରତରେ ନିଜର ୨ଟି ସ୍ମାର୍ଟଫୋନ୍‌ର ମୂଲ୍ୟ କମାଇଦେଇଛି। ଶାଓମିର ଭାଇସ ପ୍ରେସିଡେଣ୍ଟ ଓ ଇଣ୍ଡିଆ ହେଡ୍‌ ମନୁ କୁମାର ଜୈନ୍‌ ଟ୍ୱିଟର୍‌ ଜରିଆରେ କମ୍ପାନୀର ୨ଟି ସ୍ମାର୍ଟଫୋନ୍‌ Mi A2 ଓ Redmi Note 6 Proର ମୂଲ୍ୟ କମିଥିବା ସୂଚନା ଦେଇଛନ୍ତି।

ଶାଓମି Mi A2ର 4GB ରାମ୍‌ ଓ 64GB ଷ୍ଟୋରେଜ୍ ଏବେ ୧୧ହଜାର ୯୯୯ ଟଙ୍କାରେ ମିଳିବ। ଗ୍ରାହକ ଏହି ସ୍ମାର୍ଟଫୋନ୍‌କୁ ନୂଆ ମୂଲ୍ୟରେ ଶାଓମି ଇଣ୍ଡିଆ ଅନ୍‌ଲାଇନ୍‌ ଷ୍ଟୋର୍‌, ଆମାଜନ୍‌ ଇଣ୍ଡିଆ ୱେବସାଇଟ୍ ଓ ଫଲାଇନ୍‌ ଏମ୍‌ଆଇ ଷ୍ଟୋର୍‌ରୁ କିଣିପାରିବେ। ହେଲେ ଏହି ଫୋନ୍‌ର 6GB ରାମ୍‌ ଓ 128GB ଷ୍ଟୋରେଜ୍‌ ଭ୍ୟାରିୟାଣ୍ଟର ମୂଲ୍ୟରେ କୌଣସି ପରିବର୍ତ୍ତନ କରାଯାଇ ନାହିଁ। ଏହା ଏବେ ବି ସେହି ପୂରୁଣା ମୂଲ୍ୟ ତଥା ୧୫ ହଜାର ୯୯୯ଟଙ୍କାରେ ଉପଲବ୍ଧ।

ଫୋନ୍‌ର ଫିଚର କଥା କହିଲେ ଏହା ଡିସ୍‌ପ୍ଲେ ୫.୯୯ ଇଞ୍ଚ୍ ଓ ଏହାର ଆସ୍ପେକ୍ଟ୍ ରେସିଓ ୧୯:୯ର ରହିଛି। ଫୋନ୍‌ରେ କ୍ୱାଲ୍‌କମ୍‌ ସ୍ନାପ୍‌ ଡ୍ରାଗନ୍‌ ୬୬୦ ଅକ୍ଟାକୋର୍ ପ୍ରୋସେସର୍ ଦିଆଯାଇଛି। ଏହା ସହ ଏଥିରେ ଲେଟେଷ୍ଟ ଆଣ୍ଡ୍ରଏଡ୍‌ ଭର୍ସନ ମଧ୍ୟ ରହିଛି। କ୍ୟାମେରା କଥା କହିଲେ, ଏଥିରେ ୨୦ ମେଗାପିକ୍ସେଲ୍‌ ଓ ୧୨ ମେଗାପିକ୍ସେଲ୍‌ର ରିୟର୍‌ କ୍ୟାମେରା ଏବଂ ସେଲ୍‌ଫି ପାଇଁ ୨୦ ମେଗାପିକ୍ସେଲ୍‌ର ଫ୍ରଣ୍ଟ୍ କ୍ୟାମେରା ଦିଆଯାଇଛି।
ସେହିପରି Redmi Note 6 Pro କଥା କହିଲେ ଏହାର 4GB ରାମ୍‌ ଓ 64GB ଷ୍ଟୋରେଜ୍‌ର ମୂଲ୍ୟ ୨ ହଜାର ଟଙ୍କା କମି ଏବେ ୧୧ ହଜାର ୯୯୯ ଟଙ୍କା ହୋଇଯାଇଛି। Mi A2 ପରି ଏହାର  6GB ରାମ୍‌ ଓ 128GB ଷ୍ଟୋରେଜ୍‌ ଭ୍ୟାରିୟାଣ୍ଟର ମୂଲ୍ୟରେ କୌଣସି ପରିବର୍ତ୍ତନ କରାଯାଇ ନାହିଁ। ଏହାର ମୂଲ୍ୟ ଏବେ ବି ୧୫ ହଜାର ୯୯୯ଟଙ୍କା ରହିଛି।

ଏହି ସ୍ମାର୍ଟଫୋନ୍‌ର ସ୍ପେଶିଫିକେଶନ୍‌ କଥା କହିଲେ ଏଥିରେ ୧୯:୯ ରେସିଓ ଓ ୧୦୮୦x୨୨୮୦ ପିକ୍ସେଲ ରିଜୋଲ୍ୟୁସନ୍‌ ସହ ୬.୨୬ ଇଞ୍ଚ୍‌ର ଫୁଲ୍‌ HD+ ଡିସ୍‌ପ୍ଲେ ଦିଆଯାଇଛି। ଅକ୍ଟାକୋର୍ କ୍ୱାଲକମ୍‌ ସ୍ନାପ୍‌ ଡ୍ରାଗନ୍‌ ୬୩୬ ପ୍ରୋସେସର୍ ଦିଆଯାଇଛି। ଏଥିସହ ଫଟୋଗ୍ରାଫି ପାଇଁ ଏଥିରେ ୧୨ ମେଗାପିକ୍ସେଲ୍‌ ଓ ୫ମେଗାପିକ୍ସେଲର ଦୁଇଟି କ୍ୟାମେରା ଏବଂ ସେଲଫି ପାଇଁ ୨୦ ମେଗାପିକ୍ସେଲ୍‌ର ଫ୍ରଣ୍ଟ୍ କ୍ୟାମେରା ଦିଆଯାଇଛି। ଏଥିସହ ଏହି ସ୍ମାର୍ଟଫୋନ୍‌ରେ 4000mAhର ବ୍ୟାଟେରୀ ରହିଛି।