ଆସନ୍ତୁ ଜାଣିବା କ’ଣ ରହିଛି ସୋଭରେନ୍ ଗୋଲ୍ଡ ବଣ୍ଡ ଓ ଗୋଲ୍ଡ ମନିଟାଇଜେସନ୍ ସ୍କିମରେ
-ସୋଭରେନ୍ ଗୋଲ୍ଡ ବଣ୍ଡ ସ୍କିମ୍ ଯୋଜନାରେ ଜଣେ ଭାରତୀୟ ନାଗରିକ ରିଜର୍ଭ ବ୍ୟାଙ୍କ ଜରିଆରେ ସରକାରଙ୍କଠାରୁ ସୁନା ସାର୍ଟିଫିକେଟ୍ କିଣିପାରିବେ। ପରେ ଏହାକୁ ଟଙ୍କ। କିମ୍ୱା ସୁନାରେ ପରିବର୍ତ୍ତିତ କରାଯାଇପାରିବ ।
-୫, ୧୦, ୫୦ ଓ ୧୦୦ ଗ୍ରାମ ପରିମାଣର ସୁନା ବଣ୍ଡ ଜାରି କରାଯିବ । ତେବେ ବର୍ଷକୁ ଜଣେ ବ୍ୟକ୍ତି ସର୍ବାଧିକ ୫୦୦ ଗ୍ରାମ ପର୍ଯ୍ୟନ୍ତ ସୁନା ବଣ୍ଡ କିଣିପାରିବେ ।
- ସରକାରଙ୍କ ଦ୍ୱାରା ନିର୍ଦ୍ଧାରିତ ସୁଧ ହାର ଅନୁସାରେ ସୁନା ବଣ୍ଡ ମିଳିବ। ନିବେଶ ସମୟରେ ଜମା କରାଯାଇଥିବା ସୁନାର ମୂଲ୍ୟ ଅନୁସାରେ ସୁଧ ହାର ହିସାବ କରାଯିବ ।
-ଏଭଳି ଗୋଲ୍ଡ ବଣ୍ଡର ସମୟସୀମା ୫ରୁ ୭ ବର୍ଷ ପର୍ଯ୍ୟନ୍ତ ରହିବ ।
- ଘରେ ଓ ବିଭିନ୍ନ ମନ୍ଦିରରେ ଜମା ହୋଇ ରହୁଥିବା ଟନ୍ ଟନ୍ ସୁନାର ଉପଯୋଗ ପାଇଁ କେନ୍ଦ୍ର ସରକାର ଆରମ୍ଭ କରିଛନ୍ତି ଗୋଲ୍ଡ ମନିଟାଇଜ୍ ସ୍କିମ୍। ଏହି ଯୋଜନାରେ ଗୋଲ୍ଡ ଆକାଉଣ୍ଟ ଆଧାରରେ ଜମାକାରୀଙ୍କୁ ସୁଧ ମିଳିବ । ତେବେ ଏହି ଯୋଜନାରେ ଗହଣା କିମ୍ୱା ଅଳଙ୍କ।ର ଗ୍ରହଣ କରାଯାଇପାରିବ ନାହିଁ ।
ଏକ ଆକଳନ ଅନୁସାରେ ବର୍ତ୍ତମାନ ଭାରତରେ ୨୦ ହଜାର ଟନ୍ ସୁନା ଜମା ହୋଇରହିଛି । ଏଥିରୁ ଅଧିକାଂଶ ସୁନା ନା ବ୍ୟବସାୟରେ ଲାଗି ପାରୁଛି ନା ଅର୍ଥରେ ରୂପାନ୍ତରିତ ହୋଇପାରୁଛି ।