ନୂଆଦିଲ୍ଲୀ: Lenovo କମ୍ପାନୀର ଏକ ନୂଆ ଲାପ୍ଟପ୍ ବୁଧବାର ଦିନ ଭାରତୀୟ ବଜାରରେ ପ୍ରବେଶ କରିଛି। ଏହା ନାମ ହେଉଛି Lenovo IdeaPad 100S laptop। ଏହା ୧୪,୯୯୯ ଟଙ୍କା ଦରରେ ବଜାରରେ ଉପଲବ୍ଧ ହେଉଛି। ଏଥିରେ ଅପରେଟିଂ ସିଷ୍ଟମ ଭାବେ Windows 10 preloaded ରହିଛି।
Lenovo Indiaର Home and Small Businesses ନିର୍ଦ୍ଦେଶକ କହିଛନ୍ତି,“ IdeaPad 100S laptopର ଓଜନ ଖୁବକକ କମ୍। ଏହାକୁ ହାତରେ ଧରି କାର୍ଯ୍ୟ କରିହେବ। ଲୋକଙ୍କ ପକେଟକୁ ନ ବାଧିଲା ପରି ଦରରେ ଏହା ଉପଲବ୍ଧ। ଏହା ନିଶ୍ଚିତ ଭାବେ ଆଦୃତ ହେବ ବୋଲି ମୁଁ ଆଶା ରଖିଛି। ଏହା ଉଭୟ ଆମୋଦପ୍ରମୋଦ ଓ ବ୍ୟବସାୟ ପାଇଁ ବ୍ୟବହାର କରି ହେବ।”
ଏହି ଅଲ୍ଟ୍ରା ଥୀନ୍ ଲାପ୍ଟପ୍ ଟି ଆଇଏଫ୍ଏ ୨୦୧୫ରେ ଉନ୍ମୋଚିତ ହୋଇଥିଲା। ଏବେ ଏହା ଭାରତୀୟ ବଜାର ଓ ଇ-କମର୍ସ ସାଇଟ୍ରେ ଉପଲବ୍ଧ ହୋଇଛି। ଏହାର ଓଜନ ମାତ୍ର ୧ କେଜି, ଯାହାକୁ ନେଇ କାର୍ଯ୍ୟ କରିବା ସହଜ ବୋଲି ସେ କହିଛନ୍ତି।