କଟକ: ଦୁଇ କୁଖ୍ୟାତ ଡକାୟତ ଗିରଫ

କଟକ: କଟକ ଚାଉଳିଆଗଞ୍ଜ ଥାନା ପୋଲିସ ଆଜି ଦୁଇ ଜଣ କୁଖ୍ୟାତ ଡ଼କାୟତଙ୍କୁ କୋର୍ଟ ଚାଲାଣ କରିଛି। ସେମାନେ ହେଲେ କ୍ରିଷ୍ଣା ରେଡ୍ଡୀ ଓ ସେକ୍‌ ଆଲାମିନ। କ୍ରିଷ୍ଣାର ଘର ଗଞ୍ଜାମ ଜିଲ୍ଲାରେ ହୋଇଥିବା ବେଳେ ଆଲାମିନର ଘର ପଶ୍ଚିମବଙ୍ଗରେ।

ଗତକାଲି ରାତିରେ ତିନି ଜଣ ଡ଼କାୟତ ବାଇକରେ ଯାଉଥିବା ସମ୍ପର୍କରେ ପାଟ୍ରୋଲିଂ କରୁଥିବା ପୋଲିସ୍‌ ଜାଣିପାରି ଅପର୍ଣ୍ଣାନଗର ଅଞ୍ଚଳରୁ ସେମାନଙ୍କୁ ପିଛା କରିଥିଲା। ସେମାନଙ୍କ ମଧ୍ୟରୁ ଜଣେ ପୋଲିସ୍‌କୁ ଚକ୍‌ମା ଦେଇ ଖସିଯାଇଥିବା ବେଳେ ଦୁଇ ଜଣ ଡକାୟତ ଧରାପଡ଼ିଥିଲେ।

କ୍ରିଷ୍ଣା ନାମରେ ବିଭିନ୍ନ ଥାନାରେ ମୋଟ ୨୦ଟି ମାମଲା ଥିବା ବେଳେ ଆଲାମିନ ନାମରେ ୧୫ ଟି ମାମଲା ରହିଛି। ଏମାନଙ୍କଠାରୁ ପୋଲିସ୍‌ ଗୋଟିଏ ମୋଟର ସାଇକେଲ ଓ ୧୭ ହଜାର ଟଙ୍କା ଜବତ କରିଛି। ଏମାନେ ଜେଲରୁ ଆସିବା ପରେ ଅପରାଧ ଘଟାଉଥିଲେ ବୋଲି କମିଶନରେଟ ପୋଲିସ ପ୍ରକାଶ କରିଛି।