ଢେଙ୍କାନାଳ: ଢେଙ୍କାନାଳ ପୋଲିସ୍ ଗୋବିନ୍ଦପୁର ନିକଟରୁ ୨୦ କ୍ୱିଣ୍ଟାଲ ବିସ୍ଫୋରକ ଜବତ କରିଛି। ଗାଡ଼ିର ହେଲପରକୁ ଗିରଫ କରାଯାଇଥିବା ବେଳେ ଗାଡ଼ି ମାଲିକ ଓ ଡ୍ରାଇଭର ଫେରାର ହୋଇଯାଇଛନ୍ତି।
ନିହଲପ୍ରସାଦରୁ ଏକ ଟିପରରେ ଗତକାଲି ରାତିରେ କିଛି ସନ୍ଦେହଜନକ ଜିନିଷ ଚାଲାଣ ହେଉଥିବା ନେଇ କୌଣସି ସୂତ୍ରରୁ ପୋଲିସ୍ ସୂଚନା ପାଇବା ପରେ ରୋଡ୍ ବ୍ଲକିଂ କରି ଯାଞ୍ଚ ଆରମ୍ଭ କରିଥିଲା। ଯାଞ୍ଚ ବେଳେ ଏହି ଟିପରରୁ ୨୦ କ୍ୱିଣ୍ଟାଲ ଆମୋନିୟମ ନାଇଟ୍ରେଟ୍ ଜବତ କରାଯାଇଥିଲା।
ଢେଙ୍କାନାଳ ଡିଏସ୍ପି ବସନ୍ତ କୁମାର ପାଣିଗ୍ରାହୀ କହିଛନ୍ତି,“ଏହି ବିସ୍ଫୋରକକୁ ବଳାରାମପ୍ରସାଦ ନିଆଯାଉଥିଲା ବୋଲି ସନ୍ଦେହ କରାଯାଉଛି। ଚୋରା ପଥର ଖାଦାନରେ ବେଆଇନ ବ୍ଲାଷ୍ଟିଂ ପାଇଁ ଏହାକୁ ବ୍ୟବହାର କରିବାକୁ ନିଆଯାଉଥିଲା ବୋଲି ସନ୍ଦେହ କରାଯାଉଛି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
