ସୋର: ବାଲେଶ୍ୱର ଜିଲ୍ଲା ସୋର ଥାନା ପୋଲିସ୍ ୪ ଜଣ ଅନ୍ତଃରାଜ୍ୟ ଡକାୟତଙ୍କୁ ଗିରଫ କରିଛି। ସେମାନେ ହେଲେ ଆଠଗଡ଼ର ଅଜିତ ପଲେଇ, ଚାନ୍ଦବାଲିର ବାଦଲ ରାଉତ, ମଇତାପୁରର ଲକ୍ଷ୍ମୀଧର ରାଉତ ଓ ଲମ୍ବୁଧର ମଲ୍ଲିକ। ସେମାନଙ୍କ ଠାରୁ ଗୋଟିଏ ବନ୍ଧୁକ, ଗୋଟିଏ ଚୋରି ହୋଇଥିବା ବୋଲେରୋ, ଦୁଇଟି ବାଇକ୍ ଓ ୫ଟି ମୋବାଇଲ୍ ଫୋନ୍ ଜବତ କରାଯାଇଛି।
ସୋର ଅଞ୍ଚଳରୁ ଗତ ୧୩ ତାରିଖରେ ସରସ୍ୱତୀ ପାତ୍ରଙ୍କର ଗୋଟିଏ ବୋଲେରୋ ଚୋରି ହୋଇଥିବାର ଅଭିଯୋଗ କରିଥିଲେ।
ଏହି ଅଭିଯୋଗକୁ ଭିତ୍ତିକରି ସୋର ପୋଲିସ୍ ତନାଘନା କରିଥିଲା। ପରେ ଆଇଆଇସି ପର୍ଶୁରାମ ସାହୁଙ୍କ ନେତୃତ୍ୱରେ ସୁନ୍ଦରଗଡ଼ର ବୀରମିତ୍ରପୁର ଥାନା ଅଧୀନ କୁଆରମୁଣ୍ଡାରୁ ଏହି ୪ଜଣଙ୍କୁ ଗିରଫ କରିବାରେ ସଫଳ ହୋଇଥିଲା।