ଆଦିତ୍ୟ କେୟାର ହସ୍ପିଟାଲ୍ ଟଙ୍କା ଲୁଟ୍ ଘଟଣାରେ ୪ ଗିରଫ

ଭୁବନେଶ୍ୱର: ଆଦିତ୍ୟ କେୟାର ହସ୍ପିଟାଲ୍ ଟଙ୍କା ଲୁଟ୍ ଘଟଣାର କମିଶନରେଟ୍ ପୋଲିସ୍ ଆଜି ପର୍ଦ୍ଦାଫାସ୍ କରିଛି। ଏହି ମାମଲାରେ ୪ ଲୁଟେରାଙ୍କୁ ପୋଲିସ୍ ଗିରଫ କରିଛି। ଏଥିସହ ଲକ୍ଷାଧିକ ଟଙ୍କା, ପିସ୍ତଲ ଓ ୨ଟି ବାଇକ୍ ଜବତ କରିଛି। ଗିରଫ ୪ ଜଣଙ୍କ ମଧ୍ୟରେ ଜଣେ ହସ୍ପିଟାଲର ପୂର୍ବତନ କର୍ମଚାରୀ ଅଛନ୍ତି। ଗାଡିରେ ଟଙ୍କା ଯାଉଥିବା ବେଳେ ସଂପୃକ୍ତ ଅଧିକାରୀ ସୂଚନା ଦେଇଥିଲେ। ଏକ ସାମ୍ୱାଦିକ ସମ୍ମିଳନୀରେ ପୋଲିସ କମିଶନର ଆର.ପି ଶର୍ମା ଏହି ସୂଚନା ଦେଇଛନ୍ତି। ଏହି ୪ ଅଭିଯୁକ୍ତଙ୍କୁ ଭଞ୍ଜନଗର ବୁଗୁଡା ଅଞ୍ଚଳରୁ ଗିରଫ କରାଯାଇଛି ବୋଲି ସେ କହିଛନ୍ତି।

ସୂଚନାଯୋଗ୍ୟ, ୨୦୧୪ରେ ଆଦିତ୍ୟ କେୟାର ହସ୍ପିଟାଲରୁ ବ୍ୟାଙ୍କରେ ଟଙ୍କା ଜମା ହେବା ପାଇଁ ଯିବା ରାସ୍ତାରେ ଟଙ୍କା ଲୁଟ୍ ହୋଇଥିଲା। ଲୁଟେରାମାନେ ବ୍ଲାଙ୍କ୍ ଫାୟାରିଂ କରି ପ୍ରାୟ ୧୭ଲକ୍ଷ ଟଙ୍କା ଲୁଟି ନେଇଥିଲେ। ଲୁଟ୍ ଘଟଣାର ପ୍ରାୟ ବର୍ଷେ ପରେ ପୋଲିସକୁ ଏହି ମାମଲାରେ ସଫଳତା ମିଳିଛି। ଏହି ଗ୍ୟାଙ୍ଗର ଅନ୍ୟ ସଦସ୍ୟଙ୍କୁ ପୋଲିସ୍ ଖୋଜୁଛି।