ବରଗଡ଼ ବ୍ୟାଙ୍କ ଡକାୟତି ମାମଲାରେ ୩ ମହିଳାଙ୍କ ସମେତ ୫ ଗିରଫ

ବରଗଡ଼: ବରଗଡ଼ ବ୍ୟାଙ୍କ ଅଫ୍ ବରୋଦା ଡକାୟତି ଘଟଣାରେ ବରଗଡ଼ ପୋଲିସ୍‌ ୩ ଜଣ ମହିଳାଙ୍କ ସମେତ ୫ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତଙ୍କଠାରୁ ୩୫,୭୨,୯୧୦ ଟଙ୍କା ଓ ୨.୩୮୬ କେଜି ସୁନା ଜବତ କରାଯାଇଛି। ଏହାସହ ମୋବାଇଲ୍‌ ଓ ସ୍କୁଟି ମଧ୍ୟ ଜବତ କରାଯାଇଥିଲା ଆଜି ଏକ ସାମ୍ବାଦିକ ସମ୍ମିଳନୀରେ ଡିଆଇଜି ପ୍ରତୀକ ମହାନ୍ତି ସୂଚନା ଦେଇଛନ୍ତି।

ଦୁର୍ବୃତ୍ତମାନଙ୍କୁ ଧରିବାକୁ ବରଗଡ଼ ଏସପି ଯୁଗଳ କିଶୋରଙ୍କ ନେତୃତ୍ୱରେ ଏକ ଟିମ୍‌ ଗତ ୨୦ ତାରିଖରୁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଥିଲା। ଗତ ୧୯ ତାରିଖରେ ବ୍ୟାଙ୍କର ଝରକା ଭାଙ୍ଗି ଦୁର୍ବୃତ୍ତମାନେ ପ୍ରାୟ ୪୦ ଲକ୍ଷ ଟଙ୍କା ଓ ସୁନା ଗହଣା ଲୁଟି ନେଇଥିଲେ।