ଭୁବନେଶ୍ୱର: ୭ ଡକାୟତ ଗିରଫ, ୩ ବନ୍ଧୁକ ଜବତ

giirafଭୁବନେଶ୍ୱର: ଡକାୟତି ପାଇଁ ଯୋଜନା କରୁଥିବା ବେଳେ କମିଶନରେଟ୍ ପୋଲିସ ୭ ଡକାୟତଙ୍କୁ ଗିରଫ କରିଛି । ଭୁବନେଶ୍ୱର ସୁନ୍ଦରପଦା ଅଞ୍ଚଳରୁ ଗୁରୁବାର ସନ୍ଧ୍ୟାରେ ଏହି ଡକାୟତମାନଙ୍କୁ ଗିରଫ କରାଯାଇଛି। ସେମାନଙ୍କଠାରୁ ୩ଟି ବନ୍ଧୁକ, ୭ଟି ଗୁଳି, ୩ଟି ବୋମା, ମାରଣାସ୍ତ୍ର ଓ ୪ଟି ମୋବାଇଲ ମଧ୍ୟ ଜବତ କରାଯାଇଛି। ପୋଲିସ୍ କମିଶନର ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା ଶୁକ୍ରବାର ଏକ ସାମ୍ୱାଦିକ ସମ୍ମିଳନୀରେ ଏ ସଂପର୍କରେ ସୂଚନା ଦେଇଛନ୍ତି।

ଗିରଫ ଡକାୟତମାନେ ହେଲେ ପ୍ରଭାତ ପାଇକରାୟ ଓରଫ ଟୁକୁନା (୩୮),  ଯୁଗଳ ସାହୁ (୩୨), ଧର୍ମା ନାୟକ, ବସନ୍ତ କୁମାର ସୁନ୍ଦର (୩୨), କାର୍ତ୍ତିକ ଭୂୟାଁ, ପାହାଡ଼ ବନ୍ଧୁ ନାଥ (୨୩) ଓ ତଥାଗତ ସାହୁ।

ଗତକାଲି ସନ୍ଧ୍ୟାରେ କୁଇକ୍ ଆକ୍ସନ୍ ଟିମ୍ ଓ ଏୟାର ଫିଲଡ୍ ଥାନା ପୋଲିସ୍ ଚଢ଼ାଉ କରି ଡକାୟତମାନଙ୍କୁ  ଗିରଫ କରିଥିଲା।