ଅପହରଣ ପରେ ଗଣ ବଳାତ୍କାରର ଶିକାର ଭିନ୍ନକ୍ଷମ ଯୁବତୀ ଉଦ୍ଧାର

ସୁନ୍ଦରଗଡ଼: ସୁନ୍ଦରଗଡ଼ ଜିଲ୍ଲା ହେମଗିରି ଥାନା ଅଞ୍ଚଳକରୁ ଅପହରଣ ପରେ ଗଣ ବଳାତ୍କାରର ଶିକାର ହୋଇଥିବା ଜଣେ ମୁକ ଓ ବଧିର ଯୁବତୀଙ୍କୁ ଉଦ୍ଧାର କରାଯାଇଛି। ଠାର ମାଧ୍ୟମରେ ଯୁବତୀ ଜଣଙ୍କ ବଳାତ୍କାର ଶିକାର ହୋଇଥିବା ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ଯୁବତୀଙ୍କ ଥଇଥାନ ପାଇଁ ବ୍ୟବସ୍ଥା କରାଯାଥିବା ସୁନ୍ଦରଗଡ଼ ଜିଲ୍ଲାପାଳ କହିଛନ୍ତି।

ଅଭିଯୋଗ ଅନୁସାରେ ଅଭିଯୁକ୍ତମାନେ ଯୁବତୀଙ୍କୁ ଅପହରଣ କରି ଦିଲ୍ଲୀ ନେଇଯାଇଥିଲେ। ଦିଲ୍ଲୀରେ ଜଣେ ଦଲାଲକୁ ଯୁବତୀ ଜଣଙ୍କୁ ସେମାନେ ବିକ୍ରି କରି ଦେଇଥିଲେ। ସେଠାରେ ଯୁବତୀ ଜଣଙ୍କ ବାରମ୍ବାର ଗଣ ବଳାତ୍କାରର ଶିକାର ହୋଇଥିଲେ। କୌଣସି ପ୍ରକାରେ ଯୁବତୀ ଜଣଙ୍କ ଦଲାଲଙ୍କ କବଳରୁ ଖସି ରାଜସ୍ଥାନ ପଳାଇ ଯାଇଥିଲେ। ସେଠାରେ ଜଣେ ସହୃଦୟ ବ୍ୟକ୍ତି ତାଙ୍କୁ ଉଦ୍ଧାର କରି ହରିୟାଣା ନେଇ ଯାଇ ଯୁବତୀଙ୍କ ପରିବାର ଲୋକଙ୍କ ସହ ଯୋଗାଯୋଗ କରିଥିଲେ। ଖବର ପାଇ ଯୁବତୀଙ୍କ ପରିବାର ଲୋକେ ହରିୟାନା ଯାଇ ତାଙ୍କୁ ଘରକୁ ଆଣିଥିଲେ।