ଭୁବନେଶ୍ୱର: ଭୁବନେଶ୍ୱର ଭୀମଟାଙ୍କି ଅଞ୍ଚଳରେ ବରଯାତ୍ରୀ ଶୋଭାଯାତ୍ରା ଯାଉଥିବାବେଳେ ଗୀତ ବଜାଇବାକୁ କେନ୍ଦ୍ର କରି ବରଯାତ୍ରୀଙ୍କ ଉପରକୁ ସ୍ଥାନୀୟ ଲୋକେ ଆକ୍ରମଣ କରିଛନ୍ତି। ବରଯାତ୍ରୀର ଆଶୁତୋଷ ସ୍ୱାଇଁ ନାମକ ଜଣେ ଯୁବକଙ୍କ ଉପରେ ମରଣାନ୍ତକ ଆକ୍ରମଣ କରିବା ସହ ଗାଡି ଓ ଲାଇଟ୍ ଭଙ୍ଗାରୁଜା ମଧ୍ୟ କରିଥିଲେ। ଫଳରେ ବରଯାତ୍ରୀମାନେ ସେଠାରୁ ଚାଲି ଯାଇଥିଲେ।
ପରେ ଘଟଣାକୁ ନେଇ ସୁନ୍ଦରପଦା ଓ ଭୀମଟାଙ୍କି ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା। ଉଭୟ ଅଞ୍ଚଳର ଲୋକ ଠେଙ୍ଗାବାଡି ଧରି ମୁହାଁମୁହିଁ ହେବାକୁ ପ୍ରସ୍ତୁତ ହେଉଥିବାବେଳେ ପୋଲିସ୍ ପହଞ୍ଚିବା ପରେ ସ୍ଥିତି ନିୟନ୍ତ୍ରଣକୁ ଆସିଥିଲା।
ବରଯାତ୍ରୀଙ୍କ ଉପରକୁ ଆକ୍ରମଣ ଘଟଣାକୁ ନେଇ ଏୟାରଫିଲ୍ଡ ଥାନାରେ ଅଭିଯୋଗ ହୋଇଛି।