ନୟାଗଡ଼: ନୟାଗଡ଼ ଜିଲ୍ଲା ଶରଣକୁଳ ଥାନା ପୋଲିସ୍ ଆଜି ବାଉଁଶିଆ ଗାଁ ନିକଟସ୍ଥ ଧାନ କ୍ଷେତରୁ ବିପିନ ନାହାକଙ୍କ ମୃତଦେହ ଉଦ୍ଧାର କରିଛି। ବିପିନଙ୍କ ପାଟି ଓ ନାକରୁ ରକ୍ତ ବାହାରୁଥିବାରୁ ତାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତି କରି ପୋଲିସ୍ ମାମଲା ରୁଜୁ କରି ଶିଖରପୁର ଗାଁର ବେନୁ ମାଝିଙ୍କୁ ଅଟକ ରଖି ପଚରାଉଚରା ଚଳାଇଛି।
ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି ଶରଣକୁଳ ଆଇଆଇସି ମନୋଜ ଶତପଥୀ କହିଛନ୍ତି।
ମୃତ ବିପିନ୍ଙ୍କ ପତ୍ନୀ ଜୟନ୍ତୀ ନାହାକ କହିଛନ୍ତି,“ବେନୁ ମାଝି ମୋ ସ୍ୱାମୀକୁ ଡାକି ନେଇଥିଲା। ସନ୍ଧ୍ୟା ବେଳେ ସେ(ବିପିନ୍) ଘରକୁ ନ ଫେରିବାରୁ ଚାରିଆଡେ ମୁଁ ଖୋଜି ଥିଲି ମାତ୍ର ପାଇନଥିଲି। ରାତିରେ କ୍ଷେତରେ ତାଙ୍କ ମୃତଦେହ ପଡ଼ିଥିବା ଦେଖିବାକୁ ପାଇଲି। ତାଙ୍କୁ ବେନୁ ହତ୍ୟା କରିଥିବ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।