ବ୍ରହ୍ମପୁର: ଗଞ୍ଜାମ ଜିଲ୍ଲା ଗାଙ୍ଗପୁର ଗାଁରେ ଜଣେ ନାବାଳିକାକୁ ଏସିଡ ମାଡ଼ ଘଟଣାର ଅନ୍ୟତମ ଅଭିଯୁକ୍ତ ତୋଫାନ୍ ସାହୁକୁ ବଡ଼ଗଡ଼ ପୋଲିସ୍ ଆଜି ଗିରଫ କରିଛି। ଗତକାଲି ମୁଖ୍ୟ ଅଭଯୁକ୍ତ ଲିପୁନ ବିଷୋୟୀକୁ ଗିରଫ କରିଥିଲା।
ଆଜି ମଧ୍ୟ ପୀଡ଼ିତା ମାମୁନିଙ୍କ ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ରହିଥିବା ଏମ୍କେସିଜି ଡାକ୍ତରଖାନା ସୂତ୍ରରୁ ଜଣାପଡ଼ିଛି।
ଗତ ଶନିବାର ରାତିରେ ପୀଡ଼ିତା ଘରେ ଶୋଇଥିଲେ। ଏହି ସମୟରେ କିଛି ଯୁବକ ତାଙ୍କ ଘରେ ତାଙ୍କୁ ଏସିଡ ମାଡ଼ କରିଥିବା ଅଭିଯୋଗ ହୋଇଥିଲା। ଫଳରେ ମାମୁନିଙ୍କ ମୁହଁ, ଛାତି ଓ ଦୁଇ ହାତ ସମେତ ଶରୀରର ୫୦ଭାଗ ଜଳିଥିଲା। ପ୍ରେମ ବ୍ୟାପାରକୁ ନେଇ ଏଭଳି ଘଟଣା ଘଟିଥିବା ଅଭିଯୋଗ ହେଉଛି। ପୋଲିସ୍ ଘଟଣାର ତଦନ୍ତ ଚଳାଇଛି।