ନାବାଳିକାଙ୍କ ସହ ଶାରୀରିକ ସମ୍ପର୍କ ରଖି ଭିଡ଼ିଓ ଭାଇରାଲ୍‌ କରିବା ଘଟଣାରେ ଅଭିଯୁକ୍ତ ଗିରଫ

ନବରଙ୍ଗପୁର: ନବରଙ୍ଗପୁର ଜିଲ୍ଲା ରାଇଘର ବ୍ଲକ୍‌  ଅଞ୍ଚଳରେ ଜଣେ ନାବାଳିକାଙ୍କ ସହ ଶାରୀରିକ ସମ୍ପର୍କ ସ୍ଥାପନ କରି ଏହାର ଭିଡିଓକୁ ଇଣ୍ଟରନେଟ୍‌ରେ ଭାଇରାଲ୍‌ କରିବା ଘଟଣାରେ ପୋଲିସ୍‌ ଜଣଙ୍କୁ ଗିରଫ କରିଛି। ତା’ ନାଁ ପ୍ରଣବ ଚକ୍ରବର୍ତ୍ତୀ। ଅଭିଯୁକ୍ତ ଜଣଙ୍କ ପୀଡ଼ିତାଙ୍କ ପଡ଼ୋଶୀ। ପୀଡ଼ିତାଙ୍କ ପରିବାର ପକ୍ଷରୁ ରାଇଘର ଥାନାରେ ଅଭିଯୋଗ କରାଯିବା ପରେ ପୋଲିସ୍‌ ପ୍ରଣବକୁ ଗିରଫ କରିଛି। ପୋଲିସ୍‌ ତାଠାରୁ  ଗୋଟିଏ ମୋବାଇଲ୍‌ ସହ ଅଶ୍ଳୀଳ ଭିଡିଓ ମଧ୍ୟ ଜବତ କରିଛି।