ନୟାଗଡ଼: ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ବିଜିପୁର ନିକଟ ଏକ ଧାନ କ୍ଷେତରେ ଜଣେ ଯୁବତୀଙ୍କୁ ଗଳାକାଟି ହତ୍ୟା କରାଯାଇଥିବା ଅଭିଯୋଗ ହୋଇଛି। ମୃତ ଯୁବତୀ ଜଣଙ୍କ ହେଲେ ମାନିନୀ ପ୍ରଧାନ ।
ଗତକାଲି ରାତିରେ ଶୌଚ ପାଇଁ ଯାଇ ମାନିନୀ ଆଉ ଘରକୁ ଫେରି ନ ଥିଲେ । ଆଜି ସକାଳେ ମାନନୀଙ୍କ ମୃତ ଦେହ ବିଲରେ ମିଳିଥିଲା। ମୃତଦେହ ପାଖରେ ଛୁରୀ, ମାନିନୀଙ୍କ ହେୟାର କ୍ଲିପ ଓ ଟର୍ଚ୍ଚ ପଡ଼ିଥିବାର ଦେଖିବାକୁ ମିଳିଥିଲା । ତେବେ କିଏ ଏବଂ କାହିଁକି ତାଙ୍କୁ ହତ୍ୟା କରିଛି ତାହା କାରଣ ଜଣାପଡିନି। ପୋଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଯୁବତୀ ଜଣଙ୍କ ଗତ ବର୍ଷ ଯୁକ୍ତ ଦୁଇ କଳାରେ ପଢୁଥିଲେ ।
ନୟାଗଡ଼ ଏସଡିପିଓ ଜୟରାମ ଶତପଥୀ କହିଛନ୍ତି, “ମାନିନୀ ଗତକାଲି ରାତି ପ୍ରାୟ ୮ବେଳେ ଶୌଚ ପାଇଁ ଯାଇ ଫେରି ନ ଥିବା ତାଙ୍କ ମା’ କହିଛନ୍ତି। ଆଜି ସକାଳେ ତାଙ୍କ ମୃହଦେହ ବିଲରେ ପଡିଥିବା ସ୍ଥାନୀୟ ଲୋକ ଦେଖିଥିଲେ। ତାଙ୍କ ବାପା ଥାନାରେ ରିପୋର୍ଟ ଦେଇଛନ୍ତି। ଘଟଣାର ତଦନ୍ତ କରାଯାଉଛି।”