ଭୁବନେଶ୍ୱର: ଓଡ଼ିଶା ଷ୍ଟେଟ୍ କୋପରେଟିଭ ବ୍ୟାଙ୍କ ଏଜିଏମଙ୍କ ଘରୁ ଲୁଟ୍

ଭୁବନେଶ୍ୱର: ଓଡ଼ିଶା ଷ୍ଟେଟ୍ କୋପରେଟିଭ ବ୍ୟାଙ୍କ ଏଜିଏମ୍ ଗିରିଷ ଚନ୍ଦ୍ର ଦାସଙ୍କ ଘରୁ ଡକାୟତି ହୋଇଛି। ଗତକାଲି ବିଳମ୍ୱିତ ରାତିରେ ଭୁବନେଶ୍ୱର ଧଉଳି ନିକଟ ଇନ୍ଦୁପୁର କୋଲନୀରେ ଥିବା ତାଙ୍କ ବାସଭବନରୁ ଏହି ଡକାୟତି ହୋଇଛି। ପ୍ରାୟ ୪ଲକ୍ଷ ଟଙ୍କା ସହ ସୁନା ଗହଣା ଲୁଟ୍ ହୋଇଥିବା ଅଭଯୋଗ ହୋଇଛି। ଡକାୟତମାନେ ପ୍ରଥମେ ଏଜିଏମଙ୍କ ଘରର ଝରକା ଗ୍ରିଲ ଭାଙ୍ଗି ଘରକୁ ପ୍ରବେଶ କରିଥିଲେ। ଏହାପରେ ଗିରିଷ ଏବଂ ତାଙ୍କ ପତ୍ନୀଙ୍କ ଗୋଡ଼ ହାତ ବାନ୍ଧି ଏକ ଘରେ ବନ୍ଦ କରି ଲୁଟ କରିଥିଲେ। ଡକାୟତମାନେ ହିନ୍ଦୀ ଭାଷାରେ କଥା ହେଉଥିବା ଗିରିଷ ପୋଲିସକୁ କହିଛନ୍ତି। ଧଉଳି ପୋଲିସ ସାଇଣ୍ଟିଫିକ୍ ଟିମ୍ ସହ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି।