ପାଟଣାଗଡ଼: ବଲାଙ୍ଗିର ଜିଲ୍ଲା ପାଟଣାଗଡ଼ ଉପଖଣ୍ଡ ବେଲପଡ଼ା ବ୍ଲକ ଅନ୍ତର୍ଗତ ଖରଖରା ଗାଁରୁ ୧୨ ଜଣ ଶ୍ରମିକଙ୍କୁ ତେଲେଙ୍ଗାନା ଚାଲାଣ କରାଯାଉଥିବା ବେଳେ ପୋଲିସ୍ ଉଦ୍ଧାର କରିଛି। ଏହି ଘଟଣାରେ ବେଲପଡ଼ା ପୋଲିସ୍ ଦଲାଲ ସହଦେବ ତାଣ୍ଡି ଓ ଦୁଇଟି ଗାଡ଼ିର ଚାଳକଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଅର୍ଥ ପ୍ରଲୋଭନ ଦେଖାଇ ୧୨ ଜଣଙ୍କୁ ତେଲେଙ୍ଗାନା ରାଜ୍ୟର ଦୁନ୍ଦିକେଲକୁ ଦୁଇଟି ଗାଡ଼ିରେ ଚାଲାଣ କରାଯାଇଥିଲା। ପୋଲିସ୍ ଏ ସମ୍ପର୍କରେ ଖବର ପାଇ ଅଚାନକ ଚଢ଼ାଉ କରି ଦାଦନ ଶ୍ରମିକଙ୍କୁ ଉଦ୍ଧାର କରିବା ସହିତ ଦଲାଲଙ୍କୁ ଗିରଫ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
