ଲୁଟେରା ଗ୍ୟାଙ୍ଗର ୫ ସଦସ୍ୟ ଗିରଫ, ବନ୍ଧୁକ ଜବତ

ରାଉରକେଲା: ରାଉରକେଲାର ବ୍ରାହ୍ମଣୀତରଙ୍ଗ ପୋଲିସ୍ ଏକ ୫ ଜଣିଆ ଲୁଟେରା ଦଳକୁ ଗିରଫ କରିଛି। ଏମାନେ ସମସ୍ତେ ନାବାଳକ ବୋଲି ଜଣାପଡ଼ିଛି। ସେମାନଙ୍କଠାରୁ ପିସ୍ତଲ, ଗୁଳି, ଲ୍ୟାପ୍‌ଟପ୍‌, ମୋବାଇଲ୍ ଫୋନ୍, ସୁନାଗହଣା ଓ ବହୁ ଚୋରି ସାମଗ୍ରୀ ଜବତ କରାଯାଇଛି। ଏହି ଗ୍ୟାଙ୍ଗକୁ ସହଯୋଗ କରୁଥିବା ଅଭିଯୋଗରେ ଅନ୍ୟ ୨ ଜଣଙ୍କୁ ମଧ୍ୟ ଗିରଫ କରାଯାଇଛି।

ଏହି ଲୁଟେରାମାନେ ବନ୍ଧୁକ ଦେଖାଇ ସୁନା ଦୋକାନରୁ ଲୁଟ୍ କରିବା ସହିତ ରାସ୍ତାଘାଟରେ ମହିଳାଙ୍କଠାରୁ ସୁନା ଚେନ୍ ଲୁଟି ନେଉଥିଲେ ବୋଲି ପୋଲିସ୍ କହିଛି।

ବ୍ରାହ୍ମଣୀତରଙ୍ଗ ଥାନା ଆଇଆଇସି ଶୁଭନାୟଣ ମୁଦୁଲି କହିଛନ୍ତି,“ଏହି ଗ୍ୟାଙ୍ଗ୍‌ରେ ଆଉ ଦୁଇ ତିନି ଜଣ ସଦସ୍ୟ ଅଛନ୍ତି। ଉଭୟ ସାବାଳକ ଓ ନାବାଳକଙ୍କୁ ମିଶାଇ ଏହି ଗ୍ୟାଙ୍ଗ୍ ଚାଲିଥିଲା। ଆମେ ୫ ଜଣଙ୍କୁ ଧରିଛୁ। ଏମାନେ ବିଭିନ୍ନ ସୁନାଗହଣା ଦୋକାନ ସହିତ ସରକାରୀ ବିଲ୍ଡିଂ, ରାସ୍ତାକଡ଼ ଦୋକାନ ଆଦିରୁ ଚୋରି କରୁଥିଲେ। ମାସ ତଳେ ଏମାନେ ଏବ ବନ୍ଧୁକ ଓ ଗୁଳି ଯୋଗାଡ଼ କରି ଦୁଇ ତିନୋଟି ଡକାୟତି ମଧ୍ୟ କରିଛନ୍ତି।”