ରାୟଗଡା: ବିଷମକଟକ ଥାନା ଖୁଣ୍ଟବାଡି ଗାଁରେ ପ୍ରାୟ ସାଢେ ୩ମାସ ପୂର୍ବେ ହତ୍ୟାର ଶିକାର ଜଣେ ଯୁବକଙ୍କ ପତ୍ନୀ ଆଜି ଜିଲ୍ଲାପାଳ ଦ୍ୱାରସ୍ଥ ହୋଇ ଅଭିଯୋଗ କରିଛନ୍ତି। ଅଭିଯୋଗ ପାଇବା ପରେ ଜିଲ୍ଲାପାଳ ଏସପିଙ୍କୁ ଘଟଣାର ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ପୂର୍ବ ଶତ୍ରୁତାକୁ କେନ୍ଦ୍ର କରି ତାଙ୍କ ପତ୍ନୀଙ୍କୁ ଗ୍ରାମବାସୀ ପିଟିପିଟି ମାରି ଦେଇଥିଲେ ବୋଲି ସେ ଜିଲ୍ଲାପାଳଙ୍କୁ କହିଛନ୍ତି।
ଖୁଣ୍ଟବାଡି ଗାଁ ଦାମୋଦର ହିକକାଙ୍କ ବାପାଙ୍କ ଗତ ଅଗଷ୍ଟ ୩୦ ତାରିଖରେ ପରଲୋକ ହୋଇଥିଲା। ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଗାଁ ଲୋକେ ଶବଦାହ ପାଇଁ ଆସି ନ ଥିଲେ । ଶେଷରେ ଦାମୋଦର ୩ ହଜାର ଟଙ୍କ। ଜରିମାନା ଦେବା ପରେ ତାଙ୍କ ବାପାଙ୍କ ଶବଦାହ ହୋଇଥିଲା। ପରଦିନ ଦାମୋଦରଙ୍କ ସହ ଗ୍ରାମବାସୀଙ୍କ କୌଣସି କଥାକୁ ନେ ବଚସା ହୋଇଥିଲା। ଫଳରେ ଗାଁ ଲୋକେ ଦାମୋଦରକୁ ପିଟିପିଟି ମାରିଦେଇ ତାଙ୍କ ବାପାଙ୍କ ଚିତାରେ ପୋଡି ଦେଇଥିଲେ। ଏ ନେଇ ପୋଲିସ ନିକଟରେ ଜଣାଇଲେ ଗାଁରୁ ବାହାର କରିଦେବାର ଭୟ ଦେଖାଯାଇଥିଲା ବୋଲି ମୃତ ଦାମୋଦରଙ୍କ ପରିବାର ଲୋକେ ଅଭିଯୋଗ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
