ଭୁବନେଶ୍ୱର: ଠକେଇ ଅଭିଯୋଗରେ ସମୃଦ୍ଧ ଜୀବନ ଚିଟଫଣ୍ଡ ସଂସ୍ଥା ଉପରେ ମଙ୍ଗଳବାର ସିବିଆଇ ଚଢ଼ାଉ ହୋଇଛି। ଓଡ଼ିଶାରେ ମାଲକାନଗିରି ଓ ବରଗଡ ସମେତ ଦେଶର ୫୮ଟି ସ୍ଥାନରେ ଏହି ଚଢ଼ାଉ କରାଯାଇଛି। କମ୍ପାନୀର ନିର୍ଦ୍ଦେଶକଙ୍କ ଘର ଓ ଅଫିସରେ ଏହି ଚଢ଼ାଉ କରାଯାଇଛି। ଓଡ଼ିଶାରେ ମାଲକାନଗିରିରେ ଏହି ଚଢାଉ କରାଯାଇଛି। ୨ଟି ସିବିଆଇ ଟିମ୍ ଓ ସ୍ଥାନୀୟ ପୋଲିସ ସହାୟତାରେ ଏହି ଚଢ଼ାଉ କରାଯାଇଛି। ୨ ବର୍ଷ ତଳେ ସ୍ଥାନୀୟ ପୋଲିସ ଏହି କାର୍ଯ୍ୟାଳୟର ଚଢାଉ କରି କାଗଜପତ୍ର ଜବତ କରିଥିଲେ । କମ୍ପାନୀ ନାଁରେ ଅଧିକ ଲାଭର ପ୍ରଲୋଭନ ଦେଖାଇ ବହୁ ଲୋକଙ୍କ ଟଙ୍କା ହଡପ୍ କରିଥିବା ଅଭିଯୋଗ ରହିଛି ।
ବରଗଡ ବାନ୍ଦୁ ଟିକ୍ରାରେ ଥିବା ସମୃଦ୍ଧ ଜୀବନର କାର୍ଯ୍ୟାଳୟର ଚଢାଉ କରିଥିଲା ସିବିଆଇର ଏକ ୪ ଜଣିଆ ଟିମ୍। ସେମାନେ ଅଫିସରେ ଥିବା ବିଭିନ୍ନ କାଗଜପତ୍ର ଯାଞ୍ଚ କରିବା ପରେ ସେଗୁଡିକୁ ଜବତ କରିଥିଲେ। କାର୍ଯ୍ୟାଳୟରୁ କିଛି ନଗଦ ଟଙ୍କା ମଧ୍ୟ ଜବତ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
