ମାଲକାନଗିରି : ମାଲକାନଗିରି ଜିଲ୍ଲା କାଲିମେଳା ଫରେଷ୍ଟ ରେଞ୍ଜ ଅନ୍ତର୍ଗତ ପୋଟେରୁ ସେକ୍ସନରେ କାର୍ଯ୍ୟରତ ଫରେଷ୍ଟ ଗାର୍ଡ ମନୋଜ ବିଶୋଇ ଓ ବାସନ୍ତି ମାଡକାମି ଆଜି ଭିଜିଲାନ୍ସ ଜାଲରେ ପଡିଛନ୍ତି।
ଏମାନେ ବେଚୁ ମଜୁମଦାର ନାମକ ଜଣେ ଗ୍ରାମବାସୀଙ୍କ ଠାରୁ ସାଇକେଲ ବୋଝେଇ ବଲ୍ଲା କାଠ ଓ ବାଉଁଶ ଜବତ କରି ଥିଲେ। କାଠ ଓ ସାଇକେଲ ଛାଡିବାକୁ ବେଚୁଙ୍କ ଠାରୁ ୫ ହଜାର ଟଙ୍କା ଲାଞ୍ଚ ମାଗି ଥିଲେ ଏହି ଦୁଇ ବନ ବିଭାଗ କର୍ମକର୍ତ୍ତା। ତେବେ ବେଚୁ ମଜୁମଦାରଙ୍କ ଠାରୁ ୩୫୦୦ ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡିଛନ୍ତି।