ଏକାଠି ନୂଆଁଖାଇ ପାଳିଲେ ବଲାଙ୍ଗିର ରାଜପରିବାର

ବଲାଙ୍ଗିର: ପଶ୍ଚିମ ଓଡ଼ିଶାରେ ଆଜି ପାଳନ କରାଯାଉଛି ନୂଆଁଖାଇ। ଆଉ ଏହି ଅବସରରେ ରାଜନୈତିକ ଓ ପାରିବାରିକ ମତାନ୍ତର-ମନାନ୍ତରକୁ ଭୁଲି ଏକାଠି ହୋଇଛନ୍ତି ବଲାଙ୍ଗିର ରାଜ ପରିବାର। ରାଜ୍ୟ ବିଜେପି ସଭାପତି ତଥା କନକବର୍ଦ୍ଧନ ସିଂହଦେଓ ଏବଂ ତାଙ୍କ ଦାଦା ତଥା ବିଜେଡି ସାଂସଦ ଅନଙ୍ଗ ଉଦୟ ସିଂହଦେଓଙ୍କ ପରିବାର ଏକାଠି ନୂଆଁ ଖାଇଛନ୍ତି। ଦୀର୍ଘ ଦୁଇ ଦଶନ୍ଧି ପରେ ଗତ ବର୍ଷ ଏହି ପରିବାର ନୂଆ ଖାଇରେ ଏକାଠି ହୋଇଥିଲେ। ତେବେ ଗତ ବର୍ଷ କନକ ବର୍ଦ୍ଧନ ଓ ଅନଙ୍ଗ ଉଦୟ ଏକାଠି ନୂଆ ଖାଇଥିବା ବେଳେ ଏଥର କିନ୍ତୁ ଅନଙ୍ଗଙ୍କ ସ୍ଥାନରେ ତାଙ୍କ ଦୁଇପୁଅ କଳିକେଶ ଓ ଅର୍କେଶ ଉପସ୍ଥିତ ଥିଲେ। ଶୈଳଶ୍ରୀ ପ୍ୟାଲେସରେ ରାଜକୀୟ ପରମ୍ପରା ଅନୁଯାୟୀ ରାଜପୁରୋହିତ ପୂଜା ବିଧି ସାରିବା ପରେ ସମସ୍ତଙ୍କୁ ନୂଆ ପରଶି ଥିଲେ। ନୂଆ ଖାଇବା ପରେ ଜୁହାରଭେଟ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।