ଝାରସୁଗୁଡା: ବିଷାକ୍ତ ଭୋଗ ଖାଇ ସାରଙ୍ଗନଈ ଗାଁର ୬୦ଜଣ ଝାଡ଼ାବାନ୍ତିରେ ଆକ୍ରାନ୍ତ

ଝାରସୁଗୁଡା: ଝାରସୁଗୁଡ଼ା ଜିଲ୍ଲା ଲଇକେରା ବ୍ଲକ୍ ଅନ୍ତର୍ଗତ ସାରଙ୍ଗନଈ ଗାଁରେ ପ୍ରାୟ ୬୦ଜଣ ଝାଡ଼ାବାନ୍ତିରେ ଆକ୍ରାନ୍ତ ହୋଇ ମୁଦ୍ରାଯୋର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି। ସେମାନଙ୍କ ମଧ୍ୟରୁ ୨ଜଣ ଛୋଟ ପିଲାଙ୍କ ସମେତ ୫ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ବିଷାକ୍ତ ପୂଜା ଭୋଗ ଖାଇ ଏଭଳି ହୋଇଥିବା ଆଶଙ୍କା କରାଯାଉଥିବା ଡାକ୍ତର କହିଛନ୍ତି।