ପୁରୀ: ନବକଳେବର ଲାଗି ପୁରୀ ସହରରେ କୋଟି କୋଟି ଟଙ୍କା ଖର୍ଚ୍ଚ କରାଯାଇ ଉନ୍ନୟନ କାର୍ଯ୍ୟ କରାଗଲା । ତେବେ ଏହି କାମର ମାନ କେତେ ଭଲ ଧିରେ ଧିରେ ପଦାକୁ ଆସିବାରେ ଲାଗିଛି । ନବକଳେବର ପୂର୍ବରୁ ରାସ୍ତା ଦବି ଯିବା ଦେଖିବାକୁ ମିଳିଥିଲା । କୋଟି କୋଟି ଟଙ୍କା ଖର୍ଚ୍ଚ କରାଯାଇ ଡ୍ରେନେଜ ବ୍ୟବସ୍ଥା କରାଗଲା । ହେଲା ସ୍ଥିତି ଯଥା ପୂର୍ବଂ ତଥା ପରଂ ଅବସ୍ଥାରେ ରହିଛି । ଆଜି ଲଘୁଚାପ ଜନିତ ବର୍ଷାରେ ପୁରୀ ବଡଦାଣ୍ଡ ସମ୍ପୂର୍ଣ୍ଣ ଜଳାର୍ଣ୍ଣବ ହୋଇଯାଇଛି । ବଡ଼ଦାଣ୍ଡରେ ଆଣ୍ଠୁଏ ଉଚ୍ଚର ପାଣି ଲହଡ଼ି ମାରୁଥିଲା । ମାର୍କେଟ୍ ଛକଠାରୁ ବଳଗଣ୍ଡି ଛକ ଯାଏଁ ଏଭଳି ଅବସ୍ଥା ସୃଷ୍ଟି ହୋଇଥିଲା। ଫଳରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଥିଲା। ବଡ଼ଦାଣ୍ଡର ଦୁଇପାର୍ଶ୍ୱରେ ଥିବା ଡ୍ରେନରେ ପାଣି ନିଷ୍କାସନ ହୋଇ ନ ପାରିବାରୁ ଏମିତି ସ୍ଥିତି ସୃଷ୍ଟି ହୋଇଥିଲା। ଫଳରେ ପୁରୀକୁ ଆସୁଥିବା ପର୍ଯ୍ୟଟକଙ୍କୁ ନାକେଦମ୍ ହେବାକୁ ପଡିଥିଲା। ନବକଳେବର ପାଇଁ ନିକଟରେ ଡ୍ରେନେଜ୍ କାମ ହୋଇଥିଲା। ତେବେ ମାତ୍ର ଦିନ କେଇଟା ପରେ ପୁଣି ଏମିତି ଅବସ୍ଥା ସୃଷ୍ଟି ହେବା ସାଧାରଣରେ ଚର୍ଚ୍ଚାର ବିଷୟ ହୋଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
