ଲିବ୍ୟାରେ ଅପହୃତ ପ୍ରଭାସଙ୍କୁ ନେଇ ରହସ୍ୟ ଜାରି
ରାଉରକେଲା: ଲିବ୍ୟାରେ ଅପହୃତ ଓଡ଼ିଆ କର୍ମଚାରୀ ପ୍ରଭାସ ସାମଲଙ୍କ ମାମଲା ଏବେ ବି ରହସ୍ୟ ଘେରରେ ରହିଛି। ଗତ ଗୁରୁବାର ଦିନ ପ୍ରଭାସ ରାଉରକେଲାସ୍ଥିତ ତାଙ୍କ ଭାଉଜଙ୍କୁ ନିକଟକୁ ଫୋନ୍ କରିଥିଲେ। ଅପହର୍ତ୍ତାମାନେ ତାଙ୍କୁ ମୁକ୍ତ କରିଥିବା ଜଣାଇ ସେ ଫୋନ କରି କହିଥିଲେ। ଫୋନ କରିବାର ୪୮ ଘଣ୍ଟା ପରେ ବି ପ୍ରଭାସଙ୍କ ମୁକ୍ତି ସଂପର୍କରେ ବୈଦେଶିକ ମନ୍ତ୍ରାଳୟ ତରଫରୁ କିଛି ସ୍ପଷ୍ଟ କରାଯାଇନାହିଁ। ସେପଟେ ଏହା ଭିତରେ ପ୍ରଭାସ ବି ପରିବାର ଲୋକଙ୍କୁ ଆଉ […]
ରାଉରକେଲା: ଲିବ୍ୟାରେ ଅପହୃତ ଓଡ଼ିଆ କର୍ମଚାରୀ ପ୍ରଭାସ ସାମଲଙ୍କ ମାମଲା ଏବେ ବି ରହସ୍ୟ ଘେରରେ ରହିଛି। ଗତ ଗୁରୁବାର ଦିନ ପ୍ରଭାସ ରାଉରକେଲାସ୍ଥିତ ତାଙ୍କ ଭାଉଜଙ୍କୁ ନିକଟକୁ ଫୋନ୍ କରିଥିଲେ। ଅପହର୍ତ୍ତାମାନେ ତାଙ୍କୁ ମୁକ୍ତ କରିଥିବା ଜଣାଇ ସେ ଫୋନ କରି କହିଥିଲେ। ଫୋନ କରିବାର ୪୮ ଘଣ୍ଟା ପରେ ବି ପ୍ରଭାସଙ୍କ ମୁକ୍ତି ସଂପର୍କରେ ବୈଦେଶିକ ମନ୍ତ୍ରାଳୟ ତରଫରୁ କିଛି ସ୍ପଷ୍ଟ କରାଯାଇନାହିଁ। ସେପଟେ ଏହା ଭିତରେ ପ୍ରଭାସ ବି ପରିବାର ଲୋକଙ୍କୁ ଆଉ ଫେ।ନ୍ କରିନାହାନ୍ତି କି ସେ ଯେଉଁ ନମ୍ୱରରୁ ଫେ।ନ୍ କରିଥିଲେ ସେହି ନମ୍ୱର ମଧ୍ୟ ଲାଗୁନାହିଁ। ତେଣୁ ଦୁଶ୍ଚିନ୍ତାରେ ଥିବା ପରିବାର ଲୋକେ ପ୍ରଭାସଙ୍କ ଖୋଜ ଖବର ନେଇ ଜଣାଇବାକୁ ସରକାରଙ୍କୁ ନିବେଦନ କରିଛନ୍ତି। ଲିବ୍ୟାର ସିର୍ତେ ସହରର ଏକ ହସ୍ପିଟାଲରେ ପ୍ରଭାସ ଟେକ୍ନିସିଆନ୍ ଭାବେ କାମ କରୁଥିଲେ। ତେବେ ପ୍ରଭାସ ଓ ଅନ୍ୟ ଜଣେ ଭାରତୀୟ ଆନ୍ଧ୍ରପ୍ରଦେଶର ରାମମୂର୍ତ୍ତି କୋସନମଙ୍କୁ ସନ୍ଦିଗ୍ଧ ଆଇଏସ୍ଆଇଏସ୍ ଆତଙ୍କବାଦୀ ଅପହରଣ କରିନେଇଥିବା ଗତ ବୁଧବାର ଦିନ ବୈଦେଶିକ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଥିଲା।
