ନବରଙ୍ଗପୁର: ଟିପ୍ପର ଧକ୍କାରେ ଶିକ୍ଷୟିତ୍ରୀଙ୍କ ମୃତ୍ୟୁ

ନବରଙ୍ଗପୁର: ନବରଙ୍ଗପୁର ଜିଲ୍ଳା ନାଗାଗୁଡା ପ୍ରାଥମିକ ବିଦ୍ୟାଳୟର  ଶିକ୍ଷୟିତ୍ରୀ ସଞ୍ଜିତା ବିଶ୍ୱାସଙ୍କ ଟିପ୍ପର ଧକ୍କାରେ ମୃତ୍ୟୁ ଘଟିଛି। ଆଜି ସକାଳୁ ବାପାଙ୍କ ସହ ସ୍କୁଟିରେ ସ୍କୁଲ ଯାଉଥିବା ସମୟରେ ବିପରୀତ ଦିଗରୁ ଆସୁଥିବା ଏକ ଦ୍ରୁତଗାମୀ ଟିପ୍ପର ସେମାନଙ୍କ ଉପରେ ଚଢି ଯାଇଥିଲା। ଘଟଣାସ୍ଥଳରେ ସଞ୍ଜିତାଙ୍କ ମୃତ୍ୟୁ ଘଟିଥିଲା। ଗୁରୁତର ଅବସ୍ଥାରେ ତାଙ୍କ ବାପାଙ୍କୁ  ଉମରକୋଟ ଡାକ୍ତରଖାନାରେ ଭର୍ତ୍ତି କରାଯାଇଛି।

ଏହି ଘଟଣାପରେ ଉତ୍ତ୍ୟକ୍ତ ଲୋକେ କ୍ଷତିପୂରଣ ଦାବିରେ ଓ ବିପର୍ଯ୍ୟସ୍ତ ଟ୍ରାଫିକ୍ ବ୍ୟବସ୍ଥାକୁ ନେଇ କରି ଉମରକୋଟ- ଜୟପୁର ମୁଖ୍ୟରାସ୍ତା ଅବରୋଧ କରିଥିଲେ।

ଉମରକୋଟ ତହସିଲଦାର ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା।  ଟିପ୍ପର ମାଲିକ ମୃତ ଶିକ୍ଷୟିତ୍ରୀଙ୍କ ପରିବାରକୁ ଏକ ଲକ୍ଷ ଟଙ୍କା ଦେବା ସହ ଜିଲ୍ଳା ରେଡକ୍ରସ୍ ପକ୍ଷରୁ ୫ ହଜାର ଟଙ୍କା ଦେବାକୁ ପ୍ରତିଶ୍ରୁତି ଦିଆଯାଇଛି।