ପୁରୀ: ପୁରୀ ଏସସିଏସ୍ ସ୍ୱୟଂ ଶାସିତ ମହାବିଦ୍ୟାଳୟରେ ନାମଲେଖା ପ୍ରକ୍ରିୟାରେ ଜାଲିଆତି ହୋଇଥିବା ଅଭିଯୋଗ ହୋଇଛି। ଜାଲ ଭିନ୍ନକ୍ଷମ ସାର୍ଟିଫିକେଟ୍ ଦେଇ ଏକାଧିକ ଛାତ୍ର ଆଡମିସନ କରିଥିବା ଘଟଣାର ସତ୍ୟାସତ ପଦାକୁ ଆସିଛି। ଚଳିତ ବର୍ଷ ଯୁକ୍ତ ୩ ପ୍ରଥମବର୍ଷର ସମସ୍ତ ବିଭାଗରେ ମୋଟ ୧୧ଶହ ଛାତ୍ର ଛାତ୍ରୀ ନାମ ଲେଖାଇଥିଲେ। ସେଥିମଧ୍ୟରୁ ଭିନ୍ନକ୍ଷମ କୋଟାରେ ଆଡମିସନ୍ କରିଥିଲେ ମୋଟ ୩୧ଜଣ ଛାତ୍ରଛାତ୍ରୀ। ପରେ ଏହି ଭିନ୍ନକ୍ଷମ କୋଟାରେ ହୋଇଥିବା ଆଡମିଶନରେ ଜାଲିଆତି ହୋଇଥିବା ଅଭିଯୋଗ ହୋଇଥିଲା। ତେଣୁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଧୀକାରୀଙ୍କ ଦ୍ୱାରା ଏନେଇ ଯାଞ୍ଚ କରାଯାଇଥିଲା। ତେବେ ଏଥିରୁ ୧୨ଜଣଙ୍କ ଭିନ୍ନକ୍ଷମ ସାର୍ଟିଫିକେଟ ଜାଲ ରହିଥିବା ରିପୋର୍ଟ ଆସିବା ପରେ କଲେଜ ପରିସରେ ଉତ୍ତେଜନା ପ୍ରକାଶ ପାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।