ଆରଆଇ-ସୁପରଭାଇଜର ବିବାଦ: ପୁରୀ ପଣସପଦା ଆରଆଇ କାର୍ଯ୍ୟାଳୟରେ ୫ଦିନ ହେଲା ତାଲା

ପୁରୀ: ଆରଆଇ ଓ ସୁପରଭାଇଜରଙ୍କ ମଧ୍ୟରେ ବିବାଦ ଘଟି ପୁରୀ ଜିଲ୍ଲା ବ୍ରହ୍ମଗିରୀ ତହସିଲ ଅନ୍ତର୍ଗତ ପଣଷପଦା ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟରେ ୫ଦିନ ହେଲା ତାଲା ଝୁଲୁଛି। କୌଣସି କାରଣକୁ ନେଇ ଉଭୟଙ୍କ ମଧ୍ୟରେ ବିବାଦ ଦେଖା ଦେଇଛି । ଫଳରେ କାର୍ଯ୍ୟାଳୟରେ ଉଭୟ ଗୋଟିଏ ଲେଖାଏଁ ତାଲା ପକାଇ ଦେଇଛନ୍ତି । ଏଠାରେ କୌଣସି କାମ ହୋଇପାରୁ ନ ଥିବାରୁ ସ୍ଥାନୀୟ ଲୋକେ ସମସ୍ୟାର ସମ୍ମୁଖୀନ ହେଉଛନ୍ତି । ଖବର ପାଇ ପୁରୀ ଉପଜିଲ୍ଲାପାଳ ଘଟଣାସ୍ଥଳରେ ପହଞ୍ଚି ସ୍ଥିତି ଯାଞ୍ଚ କରିବା ସହ ସମସ୍ୟାର ସମାଧାନ ପାଇଁ ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି ।