ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନିଆଳି: ଅଜଣା ଜନ୍ତୁକୁ ନେଇ ଏବେ ବି ନିଆଳି ଅଞ୍ଚଳରେ ଲାଗି ରହିଛି ଭୟର ବାତାବରଣ। ଗତକାଲି ରାତିରେ ନିଆଳି ନିକଟ ଗୋବିନ୍ଦପଦାରେ ଆଉ ଏକ ମେଣ୍ଢାର ଜୀବନ ଯାଇଛି। ଏହାର ପ୍ରତିବାଦରେ ସ୍ଥାନୀୟ ଲୋକେ ଆଜି ସକାଳେ ଟାୟାର ଜାଳି ନିଆଳି ଓ ଫୁଲନଖରା ମୁଖ୍ୟ ରାସ୍ତାକୁ ଅବରୋଧ କରିଛନ୍ତି। ଘଟଣା ସମ୍ପର୍କରେ ଅଧିକ ଅନୁସନ୍ଧାନ ପାଇଁ ସିଟି ଡିଏଫ୍‌ଓ ଓ ନନ୍ଦନକାନନ ପ୍ରାଣୀ ଉଦ୍ୟାନର ଆସିଷ୍ଟାଣ୍ଟ ଫିଲ୍ଡ ଡାଇରେକ୍ଟର ଆଜି ଘଟଣାସ୍ଥଳକୁ ଯିବେ।</p> <p>ମେଣ୍ଡାମାନଙ୍କୁ କିଏ ମାରୁଛି, ଏହାର ଚିତ୍ର ଏବେ ବି ସ୍ପଷ୍ଟ ହୋଇନାହିଁ। ଅଜଣା ଜନ୍ତୁକୁ ଧରିବାକୁ ପ୍ରୟାସ ଚଳାଇଛି ବନବିଭାଗ। ବିଭିନ୍ନ ସ୍ଥାନରେ ସିସିଟିଭି କ୍ୟାମେରା ଲଗାଇବା ସହ ସ୍ଥାନୀୟ ଲୋକଙ୍କୁ ନେଇ ପହରା ଦେଉଛି ବନ ବିଭାଗ।</p> <p>ସୂଚନାଯୋଗ୍ୟ, ଗତ କିଛି ଦିନ ହେବ ନିଆଳି ଅଞ୍ଚଳରେ ମେଣ୍ଢା ମାରି ଆତଙ୍କ ମଚାଇ ଥିବା ଜନ୍ତୁ ସମ୍ପର୍କରେ ଜଙ୍ଗଲ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ କହିଥିଲେ,“ନିଆଳି ଅଞ୍ଚଳରେ ଆତଙ୍କ ମଚାଇଥିବା ଅଜଣା ଜୀବଟି ଏକ ରାମଶିଆଳ। ପାଦଚିହ୍ନ ଓ ମାରିବା ତରିକାରୁ ଏହା ଜଣାପଡୁଛି। ଭଁଅରାଗଡ଼ ଜଙ୍ଗଲ ପାଖରେ ଏକ ଗାତ ଚିହ୍ନଟ ହୋଇଛି। ଏହା ଉପରେ ନଜର ରଖାଯାଇଛି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
