ଇମ୍ଫା ଶ୍ରମିକ ଓ କର୍ମଚାରୀଙ୍କ ଧାରଣା, ଖଣି ଖନନ ଅନୁମତି ଦେବାକୁ ଦାବି

<p>ରାୟଗଡ଼ା: ଖଣି ଖନନ ଅନୁମତି ଦାବିରେ ରାୟଗଡ଼ା ଜିଲ୍ଲା ଥେରୁବାଲିର ଇମ୍ଫା ଶ୍ରମିକ ଓ କର୍ମଚାରୀମାନେ &nbsp;କାରଖାନା ଆଗରେ ଧାରଣା ଦେଇଛନ୍ତି।&nbsp; ଗତ ୧୯ତାରିଖଠାରୁ ଏହି କାରଖାନାର ୩ଟି ପ୍ଲାଣ୍ଟ ବନ୍ଦ ରହିଛି।&nbsp; ପ୍ରଦୂଷଣ ନିୟନ୍ତ୍ରଣ ବୋର୍ଡ ଦ୍ୱାରା ଇମ୍ଫାର ସୁକିନ୍ଦା ଭେଲିରୁ ଖଣି ଖନନ ପାଇଁ ଅନୁମତି ପ୍ରତ୍ୟାହାର କରାଯିବା ପରେ ଏବେ କାରଖାନାକୁ କ୍ରୋମ ପଥର ଯୋଗାଣ ବନ୍ଦ ରହିଛି।&nbsp; ଫଳରେ କାରଖାନାର ଉତ୍ପାଦନ ସମ୍ପୂର୍ଣ୍ଣ ବନ୍ଦ ରହିଛି।&nbsp; ଇମ୍ଫା କାରଖାନା ବନ୍ଦ ଯୋଗୁ ଶହ ଶହ ଶ୍ରମିକ ସେମାନଙ୍କ ଜୀବିକା ହରାଇବାକୁ ବସିଛନ୍ତି।&nbsp; କମ୍ପାନୀ ବନ୍ଦ ହେବା ଦ୍ୱାରା ପ୍ରାୟ ୧୫ଶହ କର୍ମଚାରୀ ପ୍ରଭାବିତ ହୋଇଛନ୍ତି।&nbsp; ଖଣି ଖନନ ପାଇଁ ପୁନର୍ବାର ଅନୁମତି ଦେବାକୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଅତିରିକ୍ତ ଜିଲ୍ଲାପାଳଙ୍କ ମାଧ୍ୟମରେ ଏକ ଦାବିପତ୍ର ଦେଇଛନ୍ତି ଶ୍ରମିକ ଓ କର୍ମଚାରୀ। ଅନ୍ୟପଟେ କମ୍ପାନୀକୁ କଞ୍ଚାମାଲ ବନ୍ଦ ପରେ କାରଖାନା ଚଳାଇବା ପାଇଁ କୌଣସି ବିକଳ୍ପ ପନ୍ଥା ନ ଥିବା କହିଛନ୍ତି ଇମ୍ଫା କର୍ତ୍ତୃପକ୍ଷ। ଖୁବଶୀଘ୍ର ଖଣି ଖନନ ପାଇଁ ଅନୁମତି &nbsp;ମିଳିବ ବୋଲି ଆଶା ରଖିଛନ୍ତି କମ୍ପାନୀ କର୍ତ୍ତୃପକ୍ଷ।</p> <p>&amp;nbsp;</p>