ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡିଶା ରିପୋର୍ଟର): ମାଆ ପୁଅଙ୍କ ନାଚ ଦେଖି ସମସ୍ତେ ତାଜୁବ୍। ଗୋଟିଏ ଗୀତରେ ଏକାଠି ଓଲିଉଡ୍‌ର ଚକୋଲେଟ୍‌ ବୟ ବାବୁସାନ୍‌ ଏବଂ ତାଙ୍କ ମାଆ ତଥା ବିଗତ ଦିନର ଷ୍ଟାର୍ ଅଭିନେତ୍ରୀ ଅପରାଜିତା।</p> <p>ବିଭିନ୍ନ ସମୟରେ କେତେକ ଚଳଚ୍ଚିତ୍ରରେ ଏ ମାଆ ପୁଅଙ୍କୁ ଦର୍ଶକେ ଦେଖିଛନ୍ତି। ଦୁହିଁକୁ ଏକାଠି ପରଦା ଉପରେ ଦେଖି ସମସ୍ତେ ସବୁବେଳେ ପସନ୍ଦ ବି କରିଛନ୍ତି।</p> <p>ଗୋଟେ ବିଶ୍ୱାସ ରହିଛି ଯେ, ଫିଲ୍ମରେ ଏହି ମାଆ ପୁଅ ଯେବେବି ଏକାଠି ହୋଇଛନ୍ତି, ଫିଲ୍ମଟି ହିଟ୍‌ ହୋଇଛି। ସେମିତି ଆଗକୁ ଆସୁଥିବା ଫିଲ୍ମ ‘ଲୋକାଲ୍‌ ଟୋକା ଲଭ୍‌ ଚୋଖା’ରେ ପୁଣି ଏ ମାଆ ପୁଅଙ୍କ ଯୋଡି ଦେଖିବାକୁ ମିଳିବ। ଏକାଠି ଅଭିନୟ ସହ ଠୁମ୍‌କା ଲଗାଉଛନ୍ତି ବାବୁସାନ୍ ଓ ଅପରାଜିତା।</p> <p>ନିକଟରେ ରିଲିଜ୍‌ ହୋଇଥିବା ଫିଲ୍ମର ଟାଇଟଲ୍‌ ଗୀତ ‘ଲୋକାଲ୍‌ ଟୋକା ଲଭ୍‌ ଚୋଖା’ରେ ଏ ଦୁହେଁ ନାଚିଛନ୍ତି। ଏଥିସହ ଗୀତରେ ବରିଷ୍ଠ ଅଭିନେତା ପ୍ରଦ୍ୟୁମ୍ନ ଲେଙ୍କା ଏହଂ ଅଭିନେତ୍ରୀ ସନ୍‌ମିରା ମଧ୍ୟ ନାଚିଛନ୍ତି। ଧୁମ୍‌ଧଡ଼ାକା ମ୍ୟୁଜିକ୍‌ ନେଇ ନିର୍ମାଣ ହୋଇଥିବା ଏହି ଗୀତଟିକୁ ଗାଇଛନ୍ତି ହ୍ୟୁମାନ୍‌ ସାଗର।</p> <p>ଫିଲ୍ମରେ ପ୍ରଥମ ଥର ପାଇଁ ଅଭିନେତା ବାବୁସାନ୍‌ ଏବଂ ଅଭିନେତ୍ରୀ ସନ୍‌ମିରା ଏକାଠି ସ୍କ୍ରିନ୍‌ ସେୟାର କରିବାକୁ ଯାଇଛନ୍ତି। ଫିଲ୍ମର ନିର୍ଦ୍ଦେଶନା ସୁଧାଂଶୁ ସାହୁ ଦେଇଛନ୍ତି।</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
