ଚାଇନାରେ ରିଲିଜ୍ ହେବ ଶ୍ରୀଦେବୀଙ୍କ ‘ମମ୍’
ମୁମ୍ବାଇ: ଶ୍ରୀଦେବୀଙ୍କ ଶେଷ ଫିଲ୍ମ ‘ମମ୍’ ଏବେ ରିଲିଜ ହବ ଚୀନରେ। ଦିବଙ୍ଗତ ଅଭିନେତ୍ରୀ ଶ୍ରୀଦେବୀ ଏଥିରେ ମୁଖ୍ୟ ଭୂମିକାରେ ଆସିଥିଲେ । ଗତ ୨୪ ତାରିଖ ଶ୍ରୀଦେବୀଙ୍କ ଶ୍ରାଦ୍ଧବାର୍ଷିକୀ ପାଳନ କରାଯାଇଥିବାବେଳେ ଆସନ୍ତା ୨୨ ତାରିଖ ‘ମମ’ ଚୀନରେ ରିଲିଜ୍ ହେବାକୁ ଯାଉଛି।
#Xclusiv: Sridevi’s final major film #Mom will release in #China on 22 March 2019… Zee Studios International release… Poster for local audience: pic.twitter.com/mgJQitTohq
— taran adarsh (@taran_adarsh) February 26, 2019
ଭାରତରେ ଫିଲ୍ମଟି ୨୦୧୭ ଜୁଲାଇ ୭ ତାରିଖରେ ରିଲିଜ ହୋଇଥିଲା। ପୂର୍ବରୁ ‘ମମ୍’ ଚଳଚ୍ଚିତ୍ରଟି ପୋଲାଣ୍ଡ, ଋଷିଆ, ୟୁକେ, ସିଙ୍ଗାପୁର ଆଦି ଦେଶରେ ରିଲିଜ ହୋଇସାରିଛି। ଏହି ଫିଲ୍ମ ପାଇଁ ଶ୍ରୀଦେବୀ ଶ୍ରେଷ୍ଠ ଅଭିନେତ୍ରୀ ପୁରସ୍କାର ମଧ୍ୟ ପାଇଛନ୍ତି। ଏଥିରେ ଅଭିନେତ୍ରୀ ଶ୍ରୀଦେବୀଙ୍କ ସହ ଅକ୍ଷୟ ଖନ୍ନା ଓ ନୱାଜୁଦ୍ଦୀନ୍ ସିଦ୍ଧିକି ନଜର ଆସିଥିଲେ। ଜଣେ ମା’ କିପରି ନିଜ ଝିଅର ବଳାତ୍କାରୀଙ୍କୁ ଦଣ୍ଡ ଦେଉଛନ୍ତି ତାହା ଥିଲା ଫିଲ୍ମର କାହାଣୀ। ଫିଲ୍ମକୁ ଦର୍ଶକ ମଧ୍ୟ ବେଶ୍ ପସନ୍ଦ କରିଥିଲେ । ପ୍ରଡ୍ୟୁସର ତଥା ଶ୍ରୀଦେବୀଙ୍କ ସ୍ୱାମୀ ବୋନି କପୁର କହିଛନ୍ତି ‘ମମ’ର କାହାଣୀ ପ୍ରତ୍ୟେକ ଦର୍ଶକ ଏବଂ ପ୍ରତ୍ୟେକ ମା’ଙ୍କ ହୃଦୟକୁ ଛୁଇଁବ । ଏହା ଶ୍ରୀଦେବୀଙ୍କ ଶେଷ ଫିଲ୍ମ ଏବଂ ଆମର ଇଚ୍ଛା ଏହି ସୁନ୍ଦର କାହାଣୀଙ୍କୁ ପ୍ରତ୍ୟେକ ଲୋକଙ୍କ ହୃଦୟରେ ସାଇତା ହୋଇ ରହୁ।
