ମୁମ୍ବାଇ: ଆସିବ କମେଡିଆନ କପିଲ ଶର୍ମାଙ୍କ ବାୟୋପିକ୍। ଶୁକ୍ରବାର ମକର ସଂକ୍ରାନ୍ତି ଅବସରରେ କରାଯାଇଛି ଏହି ଘୋଷଣା। ପ୍ରଯୋଜକ ମହାବୀର ଜୈନ କରିଛନ୍ତି ଏହି ଘୋଷଣା। ଫିଲ୍ମଟିର ନାଁ ରହିବ ‘ଫନ୍କାର’। ଏହାର ନିର୍ଦ୍ଦେଶନା ଦେବେ ‘ଫୁକ୍ରେ’ ଫେମ୍ ମୃଗଦୀପ ସିଂହ ଲାମ୍ବା।
ମୃଗଦୀପ ଏବେ ‘ଫୁକ୍ରେ ୩’ ପାଇଁ କାମ କରୁଥିବା ବେଳେ ଆଗକୁ ଲୋକେ ଦେଶର ଜଣାଶୁଣା କମେଡିଆନ୍ କପିଲ ଶର୍ମାଙ୍କ ବାୟୋପିକ୍ ଦେଖିବାକୁ ପାଇବେ ବୋଲି କହିଛନ୍ତି। ସେହିପରି ପ୍ରଯୋଜକ ମହାବୀର ଜୈନ କହିଛନ୍ତି, ଦେଶର କୋଟି କୋଟି ଲୋକ ଏବେ କପିଲ ଶର୍ମାଙ୍କ ଯୋଗୁ ହସିବାର ଖୋରାକ ପାଇଛନ୍ତି। କପିଲଙ୍କ ଜୀବନୀ ଉପରେ ଫିଲ୍ମ କରିବାକୁ ଯାଉଥିବାରୁ ଆମେ ଗର୍ବ ଅନୁଭବ କରୁଛୁ। ଏଥିରେ ତାଙ୍କ ଜୀବନର ଅନେକ ଅଜଣା ଓ ଅକୁହା କଥା ସ୍ଥାନ ପାଇବ।
ଅନ୍ୟପକ୍ଷରେ ଖୁବ୍ଶୀଘ୍ର କପିଲ ଶର୍ମାଙ୍କୁ ନେଟ୍ଫ୍ଲିକ୍ସରେ ଦେଖିବାକୁ ମିଳିବ। ଏଥିରେ ତାଙ୍କ ଶୋ’ ‘କପିଲ ଶର୍ମା: ଆଇ ଆମ୍ ନଟ୍ ଡନ୍ ୟେଟ୍’ ଜାନୁଆରୀ ୨୮ ତାରିଖରୁ ଆରମ୍ଭ ହେବ। ଏବେ କପିଲଙ୍କ କମେଡି ଶୋ’ ସୋନି ଟିଭିରେ ପ୍ରସାରିତ ହେଉଥିବା ବେଳେ ସେ ପ୍ରଥମ ଥର ପାଇଁ ନେଟ୍ଫ୍ଲିକ୍ସରେ ଆସିବେ।
BIOPIC ON KAPIL SHARMA: 'FUKREY' DIRECTOR TO DIRECT... A biopic on #KapilSharma has been announced... Titled #Funkaar... #MrighdeepSinghLamba - director of #Fukrey franchise - will direct... Produced by #MahaveerJain [#LycaProductions]... #Subaskaran presents. #KapilSharmaBiopic pic.twitter.com/7LxhfKt4r6
— taran adarsh (@taran_adarsh) January 14, 2022