ମୁମ୍ବାଇ: ଚଳିତ ବର୍ଷ ଭାରତକୁ ମିଳିଛି ମିସ୍ ୟୁନିର୍ଭସ ମୁକୁଟ। ହରନାଜ କୌର ସନ୍ଧୁ ବନିଛନ୍ତି ବ୍ରହ୍ମାଣ୍ଡ ସୁନ୍ଦରୀ, ଆଉ ସୃଷ୍ଟି କିରଛନ୍ତି ଇତିହାସ। ତାଙ୍କୁ ଚାରିଆଡୁ ଢ଼େର ସାରା ପ୍ରଶଂସା ମିଳିଛି। ସୁନ୍ଦରତା ସହ ନିଜ ସରଳ ବ୍ୟକ୍ତିତ୍ୱ ପାଇଁ ସମସ୍ତଙ୍କ ଧ୍ୟାନ ଆକର୍ଷିତ କରିଛନ୍ତି। ଏବେ ତାଙ୍କର ବଲିଉଡରେ ଡେବ୍ୟୁକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଏହାରି ଭିତରେ ହରନଜା ନିଜ ମନ କଥା ବଖାଣିଛନ୍ତି। ସେ କେଉଁ ଅଭିନେତ୍ରୀଙ୍କ ଠାରୁ ପ୍ରେରିତ ହୋଇଛନ୍ତି ଆଉ କାହା ଭଳି ହେବାକୁ ଚାହୁଁଛନ୍ତି ସେ ନେଇ ଖୁଲାସା କରିଛନ୍ତି।
ବ୍ରହ୍ମାଣ୍ଡ ସୁନ୍ଦରୀ ହରନାଜ ଅଭିନେତ୍ରୀ ପ୍ରିୟଙ୍କା ଚୋପ୍ରା ବନିବାକୁ ଚାହୁଁଛନ୍ତି। ପ୍ରିୟଙ୍କାଙ୍କ ବାୟୋପିକ୍ କାମ କରିବାକୁ ଚାହୁଁଛନ୍ତି ହରନାଜ। ଏନେଇ ଏକ ସାକ୍ଷାତକାରରେ କହିଛନ୍ତି ବ୍ରହ୍ମାଣ୍ଡ ସୁନ୍ଦରୀ। ନିକଟରେ ହରନାଜ ସାକ୍ଷାତକାରରେ କହିଛନ୍ତି, 'ପ୍ରିୟଙ୍କା ଚୋପ୍ରା ତାଙ୍କୁ ଆରମ୍ଭରୁ ପ୍ରେରଣା ଦେଇଛନ୍ତି। ଯଦି ଅଭିନେତ୍ରୀଙ୍କ ବାୟୋପିକ୍ ତିଆରି ହୁଏ, ତେବେ ସେ ଏଥିରେ ମୁଖ୍ୟ ଭୂମିକାରେ ଅଭିନୟ କରିବାକୁ ପସନ୍ଦ କରିବେ। ହାର୍ନାଜଙ୍କ ମିସ୍ ୟୁନିର୍ଭସ ବନିବାର ପୂରା ଯାତ୍ରାରେ ପ୍ରିୟଙ୍କା ଚୋପ୍ରାଙ୍କର ଏକ ବଡ଼ ହାତ ଅଛି। କେବଳ ମୁଁ ନୁହେଁ, ପ୍ରିୟଙ୍କା ତାଙ୍କ ଯାତ୍ରା ସହିତ ଲକ୍ଷ ଲକ୍ଷ ଏବଂ କୋଟି କୋଟି ଲୋକଙ୍କୁ ପ୍ରେରଣା ଦେଇଛନ୍ତି।'
ବ୍ରହ୍ମଣ୍ଡ ସୁନ୍ଦରୀ ହରନାଜ ଆହୁରି କହିଛନ୍ତି, 'ପ୍ରିୟଙ୍କା ଚୋପ୍ରା ନିଜର ଏକ ବ୍ରାଣ୍ଡ ସୃଷ୍ଟି କରିଛନ୍ତି। ସେ କେବଳ ସୁନ୍ଦରତା ବଳରେ ଭାରତକୁ ଦର୍ଶାଇ ନାହାନ୍ତି, ବରଂ ତାଙ୍କ ଅଭିନୟ ଏବଂ ଗୀତ କ୍ୟାରିୟରରେ ମଧ୍ୟ ପ୍ରଦର୍ଶନ କରିଛନ୍ତି। ସେ ଭାରତକୁ ଗର୍ବିତ କରିଛନ୍ତି। ମୁଁ ତାଙ୍କ ପଦାଙ୍କ ଅନୁସରଣ କରିବାକୁ ଚାହୁଁଛି ଏବଂ ପ୍ରିୟଙ୍କାଙ୍କ ଭଳି ଭାରତକୁ ପ୍ରତିନିଧିତ୍ୱ କରିବାକୁ ଚାହୁଁଛି।'
ଏହାପୂର୍ବରୁ ମଧ୍ୟ ହରନାଜ ପ୍ରିୟଙ୍କା ଚୋପ୍ରାଙ୍କୁ ପ୍ରଶଂସା କରୁଥିବା ଦେଖିବାକୁ ମିଳିଛି। କିଛି ଦିନ ପୂର୍ବରୁ ହରନାଜଙ୍କ ଏକ ଭିଡିଓ ସାମ୍ନାକୁ ଆସିଥିଲା, ଯେଉଁଥିରେ ସେ କହିଥିଲେ ଯେ ମୁଁ ପ୍ରିୟଙ୍କା ଚୋପ୍ରାଙ୍କୁ ଭଲପାଏ। ମୁଁ ତାଙ୍କଠାରୁ ଯାହା କିଛି ଶିଖିଛି, ମୁଁ ସବୁବେଳେ ମୋ ସାଙ୍ଗରେ ନେଇଯିବି, ମୁଁ ସର୍ବଦା ପ୍ରିୟଙ୍କାଙ୍କୁ ମୋର ପ୍ରେରଣା ଭାବରେ ବାଛିବି।"
ହରନାଜ ଦୀର୍ଘ ୨୧ ବର୍ଷ ପରେ ଭାରତ ପାଇଁ ମିସ୍ ୟୁନିଭର୍ସ ମୁକୁଟ ଆଣିଛନ୍ତି। ଏହା ପୂର୍ବରୁ ଲାରା ଦତ୍ତା ମିସ ୟୁନିଭର୍ସ ହୋଇଥିଲେ।