ମୁମ୍ବାଇ: ବଲିଉଡର ଚକୋଲେଟ୍ ବୟ ସାହିଦ୍ କପୁରଙ୍କ ପିତ୍ନୀ ମୀରା ରାଜପୁତଙ୍କୁ ମହଙ୍ଗା ପଡିଛି ଅନ୍ଲାଇନ୍ ସପିଂ। ତାଙ୍କର ଘରେ ବସି ଅନ୍ଲାଇନ୍ରେ ସପିଂ କରିବା ନିଶା ପୂରା ଉତୁରିଯାଇଛି। ସେ ଅନ୍ଲାଇନ୍ ଠକେଇରେ ଶିକାର ହୋଇଛନ୍ତି। ଏନେଇ ସେ ନିଜେ ତାଙ୍କ ଇନ୍ଷ୍ଟାଗ୍ରାମରେ ଫଟୋ ସେଆର କରି ସୂଚନା ଦେଇଛନ୍ତି।
ମୀରା ଅନଲାଇନରେ ଏକ ଫୋନ୍ କଭର୍ ମଗାଇଥିଲେ, ଏହି କଭର ବଦଳରେ ସେ ଠକାମୀର ଶିକାର ହୋଇଛନ୍ତି। ମୀରା କହିଛନ୍ତି, ସେ ଏକ ସ୍ଲିଙ୍ଗ୍ କଭର ମଗାଇଥିଲେ। କାରଣ ଏହା ତାଙ୍କୁ ୱାର୍କ ଆଉଟ୍ ସମୟରେ ସାହାଯ୍ୟ କରିବ। ସେ ଏକ ବିଜ୍ଞାପନର ପ୍ରଲୋଭନରେ ଆସି ଫୋନ କଭର ମଗାଇଥିଲେ। ତେବେ ଘରକୁ ଆସିବା ପରେ ଏହି ଫୋନ୍ କବରଟି ଯାହା ଡିସ୍ପ୍ଲେ ଫଟୋରେ ଦେଖା ଯାଉଥିଲା ତାହା ନୁହେଁ ବୋଲି ଜଣାପଡିଥିଲା। ତାଙ୍କୁ ଏକ ସ୍ଲିମ୍ କଭର ଦରକାର ଥିଲା ଯାହାକୁ ବିନା ବ୍ୟାଗରେ ଯେକୌଣସି ସ୍ଥାନକୁ ଧରି ଯାଇ ପାରିବେ।
[caption id="attachment_657564" align="aligncenter" width="650"]
ସେ ଅନ୍ୟ ଏକ ଫଟୋ ସେଆର କରି କହିଛନ୍ତି, ଫୋନକୁ ଏଭଳି ନେଇକି ଯିବା ଅସୁରକ୍ଷିତ। ଏହି କଭରଟି ପୂରାପୁରି ଡ୍ୟାମେଜ ପିସ। ଯଦି ଏହି କଭରରେ ଫୋନ୍କୁ ରଖାଯାଏ ତେବେ ଏହା ଯେକୌଣସି ମୁହୂର୍ତ୍ତରେ ବି ତଳେ ପଡିଯାଇପାରେ। ବହୁ ବର୍ଷ ପରେ ସେ ଏଭଳି ଠକାମୀର ଶିକାର ହୋଇଥିବା ନେଇ ମୀରା କହିଛନ୍ତି।
ସୂଚନା ମୁତାବକ, ସାହିଦ କପୁରଙ୍କ ପତ୍ନୀ ମୀରା ରାଜପୁତ ଫିଲ୍ମ ଇଣ୍ଡଷ୍ଟ୍ରିରୁ ଦୁରରେ ରୁହନ୍ତି, କିନ୍ତୁ ସେ ସବୁବେଳେ ତାଙ୍କ ଲୁକକୁ ନେଇ ଚର୍ଚ୍ଚାରେ ରହିଥାନ୍ତି। ମୀରା ସୋସିଆଲ ମିଡିଆରେ ଖୁବ୍ ସକ୍ରିୟ। ତାଙ୍କର ଫ୍ୟାନ ଫଲୋୟର୍ସ କେଉଁ ଷ୍ଟାରଙ୍କ ଠାରୁ କମ୍ ନୁହେଁ।