ମୁମ୍ବାଇ: କ୍ଷମା ମାଗିଲେ ବଲିଉଡର ଭାଇଜାନ ସଲମାନ ଖାନ। ମାନିଲେ ନିଜ ଭୁଲ। ହାତ ଯୋଡି ମାଗଲେ କ୍ଷମା। ସର୍ବ ସମ୍ମୁଖରେ କହିଲେ ସରି। ଅଭିନେତା ସୁନୀଲ ସେଟ୍ଟୀଙ୍କ ଝିଅ ଆଥିଆଙ୍କୁ କ୍ଷମା ମାଗିଲେ ସଲମାନ। ଏକ କାରଣ ଯୋଗୁଁ ସଲମାନ ଆଥିଆ ଶେଟ୍ଟୀଙ୍କୁ କ୍ଷମା ମାଗିଛନ୍ତି।
ନିକଟରେ ସଲମାନ କିଛି ଦିନ ପୂର୍ବରୁ ତାଙ୍କ ଭାଇ ଅରବାଜ ଖାନଙ୍କ ଟକ୍ ଶୋ ‘ପିଞ୍ଚ୍’ ସିଜନ୍ ୨ରେ ନଜର ଆସିଥିଲେ। ଏଥିରେ ରାପିଡ୍ ଫାୟାର ସମୟରେ, ଅରବାଜ ସଲମାନଙ୍କୁ କ୍ୟାଟ୍ରିନା କୈଫ, ଆଥିଆ ଶେଟ୍ଟୀ ଏବଂ ସଂଗୀତା ବିଜଲାନିଙ୍କ ମଧ୍ୟରେ ସେ କେଉଁ ଅଭିନେତ୍ରୀଙ୍କୁ ଇନଷ୍ଟାଗ୍ରାମରେ ଫଲୋ କରନ୍ତି ନାହିଁ ବୋଲି ପ୍ରଶ୍ନ ପଚାରିଥିଲେ।
ଏହାର ଉତ୍ତରରେ ସଲମାନ ଖାନ କହିଥିଲେ ସେ ଇନଷ୍ଟାଗ୍ରାମରେ ସଂଗୀତା ବିଜଲାନିଙ୍କୁ ଫଲୋ କରନ୍ତି ନାହିଁ, କିନ୍ତୁ ସଠିକ୍ ଉତ୍ତର ଆଥିଆ ଶେଟ୍ଟୀ ଥିଲେ। ଏହା ପରେ ଭଲ ଆଚରଣ ପ୍ରଦର୍ଶନ କରି ସଲମାନ ଖାନ ଇନଷ୍ଟାଗ୍ରାମରେ ଆଥିଆଙ୍କୁ ଫଲୋ କରୁନଥିବାରୁ କ୍ଷମା ମାଗିଥିଲେ। ଭୁଲ୍ ସଂଶୋଧନ ଏବଂ ଫଲୋ କରିବାକୁ ମଧ୍ୟ ସେ ପ୍ରତିଶ୍ରୁତି ଦେଇଥିଲେ।
ଏବେ ସୁନୀଲ ସେଟ୍ଟୀ ସଲମାନ ଖାନଙ୍କ ପୋଷ୍ଟରେ ଉପରେ ପ୍ରତିକ୍ରିୟା ଦେଇଛନ୍ତି। ଆଥିଆଙ୍କୁ କ୍ଷମା ମାଗିଥିବାରୁ ସୁନୀଲ ସଲମାନଙ୍କୁ ପ୍ରଶଂସା କରିଛନ୍ତି। ସୁନୀଲ କହିଛନ୍ତି, “ସଲମାନ ଯାହା ବି କରନ୍ତି, ସେ ନିଜ ହୃଦୟରେ କରନ୍ତି। ସେ ସ୍କ୍ରିନରେ ଆଥିଆଙ୍କୁ ସରି କହିଛନ୍ତି, ଏହା ସବୁଠାରୁ ମଧୁର କଥା। ସେମାନଙ୍କର ମଧ୍ୟରେ ଏକ ସୁନ୍ଦର ସମ୍ପର୍କ ରହିଛି ଏବଂ ସରି କହିଥିବା ବ୍ୟକ୍ତି ସର୍ବଶ୍ରେଷ୍ଠ ହୋଇଥାଏ।”
ସୂଚନା ମୁତାବକ ସଲମାନ ଖାନ ତାଙ୍କର ପ୍ରଥମ ପ୍ରଡକ୍ସନ୍ ଫିଲ୍ମ ‘ହିରୋ’ ପ୍ରଡ୍ୟୁସ୍ କରିଥିଲେ। ଏହି ଫିଲ୍ମରେ ସୁନୀଲ ସେଟ୍ଟୀଙ୍କ ଝିଅ ଆଥିଆ ଏବଂ ଆଦିତ୍ୟ ପାଞ୍ଚୋଲିଙ୍କ ପୁଅ ସୋରାଜ ପଞ୍ଚୋଲି ମୁଖ୍ୟ ଭୂମିକାରେ ଥିଲେ। ଏହା ଉଭୟଙ୍କ ଡେବ୍ୟୁ ଫିଲ୍ମ ଥିଲା।
View this post on Instagram