ବିରାଟଙ୍କ ‘ଅଫ୍‌ ଫିଲ୍ଡ କ୍ୟାପ୍‌ଟେନ୍‌’ କିଏ?

ମୁମ୍ବାଇ: ଏବେ ଚାଲିଛି ଆଇପିଏଲ୍‌ ସିଜିନ୍‌। ଏଥିପାଇଁ ବ୍ୟସ୍ତ ଅଛନ୍ତି ଭାରତୀୟ ଦଳର ଅଧିନାୟକ ବିରାଟ କୋହଲି। କିନ୍ତୁ ଏତେ ସବୁ ବ୍ୟସ୍ତତା ଭିତରେ ବିରାଟ ନିଜ ରିଅଲ ଲାଇଫ୍‌ ତଥା ଅଫ୍‌ ଫିଲ୍ଡ କ୍ୟାପ୍‌ଟେନ୍‌ଙ୍କ ବିଷୟରେ ଖୁଲାସା କରିଛନ୍ତି।

ନିକଟରେ ଏକ ସାକ୍ଷତକାରରେ ବିରାଟଙ୍କୁ ତାଙ୍କ ପର୍ସନାଲ ଓ ପ୍ରଫେସନାଲ ଲାଇଫ୍‌ ବିଷୟରେ ପଚାରା ଯାଇଥିଲା। ସେଥି ମଧ୍ୟରୁ ଗୋଟିଏ ପ୍ରଶ୍ନରେ ପଚାରା ଯାଇଥିଲା ତାଙ୍କର ଅଫ୍‌ ସ୍କ୍ରିନ୍‌ କ୍ୟାପ୍‌ଟେନ୍‌ କିଏ?  ବିରାଟ ସେ ସମୟରେ ଟିକିଏ ଚୁପ୍‌ ରହିଥିଲେ। ତା’ପରେ ହସିଦେଇ ଅନୁଷ୍କାଙ୍କ ନାଁ ନେଇଥିଲେ।

ସେ କହିଥିଲେ, ‘‘ଅନୁଷ୍କା ସବୁବେଳେ ପଜିଟିଭ୍‌ ଭାବନ୍ତି। ସେ ପ୍ରତିଟି କାମରେ ମୋତେ ଉତ୍ସାହିତ କରନ୍ତି। ମୋ ପାଇଁ ସବୁବେଳେ ଉଚିତ ନିଷ୍ପତ୍ତି ନିଅନ୍ତି। ମୋତେ  ଉତ୍ସାହିତ କରିବା ପାଇଁ ସେ ନିଜ ବ୍ୟସ୍ତ ସିଡ୍ୟୁଲ୍‌ରୁ ସମୟ ବାହାର କରି ଖେଳ ଦେଖିବାକୁ ଆସନ୍ତି। ସେଥିପାଇଁ ତାଙ୍କୁ ମୁଁ ମୋର ଅଫ୍‌ ଫିଲ୍ଡ କ୍ୟାପ୍‌ଟେନ୍‌ ବୋଲି ଭାବେ।’’

ବିରାଟ ଅନୁଷ୍କାଙ୍କ ଖେଳ ପ୍ରତି ଥିବା ଆଗ୍ରହକୁ ନେଇ କହିଥିଲେ ଯେ, ଅନୁଷ୍କା ଦେଶରେ ଥାଆନ୍ତୁ କି ଦେଶ ବାହାରେ  ସବୁବେଳେ ମ୍ୟାଚ୍‌ ଦେଖନ୍ତି। ଏମିତି କି ସୁଟିଂ ସମୟରେ ମଧ୍ୟ ସେ ଲାଇଭ୍‌ ମ୍ୟାଚ୍‌ ଦେଖିବାର ଫଟୋ ଅନେକ ସମୟରେ ସେୟାର କରିଛନ୍ତି।  ସବୁଠୁ ବଡ଼ କଥା ହେଉଛି ଅନୁଷ୍କା ମଇଦାନ୍‌ରେ ଖେଳୁଥିବା ଖେଳାଳିମାନଙ୍କ ଭାବନାକୁ ବୁଝନ୍ତି।

କିଛି ଦିନ ପୂର୍ବରୁ ଅନୁଷ୍କା ଏକ ଫଟୋ ସେୟାର କରିଥିଲେ । ଯେଉଁଥିରେ ସେ ଏକ ଟିସାର୍ଟ ପିନ୍ଧିଥିଲେ। ସେହି ଟି ସାର୍ଟ ପଛରେ ବିରାଟଙ୍କ ନାଁ ଲେଖାଯାଇଥିଲା।  ସେହି ଫଟୋକୁ ଅନୁଷ୍କା ସେୟାର କରି କ୍ୟାପ୍‌ସନ୍‌ ଦେଇଥିଲେ ‘କମ୍‌ ଅନ୍‌ ଗାଇଜ୍‌’।