ମୁମ୍ୱାଇ: ୯୦ ଦଶକର ଚୁଲବୁଲି ନୟିକା ମନୀଷା କୋଇରାଲ୍ ପୁଣି ଥରେ ବଲିଉଡ୍ରେ ଧମାଲ ମଚାଇବାକୁ ଯାଉଛନ୍ତି। ନିର୍ଦ୍ଦେଶକ ଇମିତୟାଜ୍ ଅଲ୍ଲୀ ଓ ସହଯୋଗୀ ସୁନୈନା ଭଟ୍ଟନାଗରଙ୍କ ଅପ୍କମିଂ ଫିଲ୍ମ ‘ଡିୟର୍ ମାୟା’ରେ କମ୍ବ୍ୟାକ୍ କରୁଛନ୍ତି ମନୀଷା। ଫିଲ୍ମର ଟିଜର୍ ଏବେ ପରଦାକୁ ଆସିଛି। ଯେଉଁଥିରେ ମନୀଷାଙ୍କ ଟ୍ରାନ୍ସଫୋରମେସନ୍କୁ ଦର୍ଶକ ବେଶ୍ ପସନ୍ଦ କରିଛନ୍ତି। ଫିଲ୍ମରେ ମନୀଷା ଜଣେ ବୟସ୍କା ମହିଳା ଚରିତ୍ରରେ ଅଭିନୟ କରିଛନ୍ତି।
ମନୀଷାଙ୍କୁ ସଞ୍ଜୁ ବାବାଙ୍କ ବାୟୋପିକ୍ରେ ମଧ୍ୟ ଦେଖିବାକୁ ମିଳିବ। ୨୦୧୨ରୁ ମନୀଷା କ୍ୟାନସରରେ ପୀଡ଼ିତ ଥିଲେ। ଏହାପରେ ସେ ଆମେରିକା ଚାଲିଯାଇଥିଲେ। ସେଠାରେ ତାଙ୍କର ୬ ମାସ ଚିକିତ୍ସା ଚାଲିଥିଲା। ୨ମେ, ୨୦୧୩ରୁ ମନୀଷା କ୍ୟାନସର ପରି ମାରାତ୍ମକ ରୋଗରୁ ଆରୋଗ୍ୟ ଲାଭ କରିସାରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।