ଖାଇବାକୁ ନେଇ ସମସ୍ତଙ୍କର କିଛି ନା କିଛି ପସନ୍ଦ ରହିଛି। ନିଜ ପସନ୍ଦର ଖାଦ୍ୟ ପାଇଁ କିଛି ବି କରିପାରନ୍ତି। ଏପରିକି ଆଖପାଖରେ ନିଜ ମନ ପସନ୍ଦର ଖାଦ୍ୟ ନ ମିଳିଲେ ୧୦୦ରୁ ୨୦୦ କିମି ଦୂର ଯିବାର ମଧ୍ୟ ନଜିର ରହିଛି। ବଲିଡଉ କଳାକାରଙ୍କ ମଧ୍ୟ କିଛି ପ୍ରିୟ ଖାଦ୍ୟ ଅଛି। ଫିଟ୍ ରହିବାକୁ ଏହି କଳାକାରମାନେ ବହୁତ ଡାଏଟିଂ କରିଥାନ୍ତି। ନିର୍ଦ୍ଦିଷ୍ଟ ସମୟରେ ଓ ନିର୍ଦ୍ଦିଷ୍ଟ ଖାଦ୍ୟ ଖାଇଥାନ୍ତି। ହେଲେ ନିଜ ମନ ପସନ୍ଦର ଖାଦ୍ୟ ଯଦି ଆଗରେ କେହି ଥୋଇଦିଏ ତେବେ ଆଉ ସମ୍ଭାଳି ପାରନ୍ତି ନାହିଁ। ଆସନ୍ତୁ ଜାଣିବା ବଲିଉଡର କିଛି ଷ୍ଟାରଙ୍କ ପ୍ରିୟ ଖାଦ୍ୟ ସମ୍ପର୍କରେ।
ସୋନମ କପୁର: ବଲିଉଡର ଏହି ଫେସନେବୁଲ ଅଭିନେତ୍ରୀ ପସନ୍ଦ ହେଉଛି ପାଓ ଭାଜି। ଏପରିକି କେଉଁଠିକୁ ଯାଉଥିଲେ ରାସ୍ତାରେ ପାଓଭାଜି ଦୋକାନ ଦେଖିଦେଲେ ସେ ଅଟକି ଯାଇଥାନ୍ତି।
କାଟ୍ରିନା କୈଫ: ସବୁ ଝିଅଙ୍କ ପରି କ୍ୟାଟ୍ଙ୍କ ପସନ୍ଦ ହେଲା ଆଇସକ୍ରିମ। କହିବାକୁ ଗଲେ ସେ ଆଇସକ୍ରିମର ଦିୱାନୀ। ସମୟ ପାଇଲେ ସେ ଆଇସକ୍ରିମ ଖାଇବାରେ ମଜା ନେବାକୁ ଭୁଲି ନଥାନ୍ତି।
ପ୍ରିୟଙ୍କା ଚୋପ୍ରା: ବଲିଉଡରୁ ନେଇ ହଲିଉଡ ପର୍ଯ୍ୟନ୍ତ ନିଜର ଜଲୱା ଦେଖାଇ ଥିବା ପ୍ରିୟଙ୍କାଙ୍କୁ ମକାର ରୁଟି ଖାଇବାକୁ ଭଲ ଲାଗେ। ଏହାସହ ସୋରିଷ ସାଗ ତାଙ୍କର ବହୁତ ପସନ୍ଦ।
ସାହିଦ କପୁର: ସାହିଦ ବଲିଉଡର ହ୍ୟାଣ୍ଡସମ ହିରୋ ଭାବେ ଜଣାଶୁଣା। ଚାଇନିଜ ଖାଦ୍ୟ ତାଙ୍କର ବହୁତ ପସନ୍ଦ। ତାଙ୍କ ଖାଇବାରେ ଅଧିକାଂଶ ମେନୁ ଚାଇନିଜର ରହିଥାଏ।
ଦିପିକା ପାଦୁକୋନ: ଦିପିକାଙ୍କ ପ୍ରିୟ ଖାଦ୍ୟ କଥା ଶୁଣିଲେ ଆପଣ ବି ହସିବେ। କାରଣ କୌଣସି ବିଶେଷ ଖାଦ୍ୟ ନୁହେଁ ଦିପିକାଙ୍କ ପସନ୍ଦ ହେଲା ଇଟିଲି। ଯଦି କେଉଁଠି ସୁଯୋଗ ମିଳିଗଲା ତେବେ ସେ ଇଟିଲି ନଖାଇ ସେଠାରୁ ଯାଇ ନଥାନ୍ତି।
ଅମୀର ଖାନ୍: ମିଷ୍ଟର ପରଫେକ୍ଟଙ୍କ ପସନ୍ଦ ହେଲା ମୋଗଲାଇ। ମୋଗଲେଇ ମେନୁ ଥିବା କୌଣସି ସ୍ଥାନକୁ ଯାଇଥିଲେ ଏହାକୁ ନ ଖାଇ ଅମୀର ଖାନ ଫେରି ନଥାନ୍ତି।
ଶାହାରୁଖ ଖାନ: ସୁପରଷ୍ଟାର ଶାହାରୁଖଙ୍କ ପସନ୍ଦର ଖାଦ୍ୟ ହେଲା ଗ୍ରିଲ୍ଡ ଚିକେନ। ଏହାକୁ ଦେଖିଲେ ଶାହାରୁଖଙ୍କ ପାଟିରେ ଲାଳ ଆସି ଯାଇଥାଏ।