ମୁମ୍ବାଇ: ରିଲିଜ ହୋଇଯାଇଛି ଶାହିଦ କପୁରଙ୍କ ବହୁ ପ୍ରତୀକ୍ଷିତ ଫିଲ୍ମ ‘କବୀର୍ ସିଂହ’। ଫିଲ୍ମର ଟିଜର୍ ରିଲିଜ୍ ହେବା ଦିନ ଠାରୁ ଅଧିକ ଚର୍ଚ୍ଚାରେ ରହିଥିବା ଏହି ଫିଲ୍ମ ବକ୍ସ ଅଫିସ୍ରେ ଧୂମ୍ ମଚାଇ ଦେଇଛି। ଟ୍ରେଡ ଆନାଲିଷ୍ଟ ତରନ ଆଦର୍ଶଙ୍କ ଅନୁଯାୟୀ ଫିଲ୍ମଟି ତିନି ଦିନରେ ୭୦ କୋଟିରୁ ଅଧିକ ଆୟ କରିସାରିଲାଣି। ପ୍ରଥମ ଦିନରେ ହିଁ ଏହା ବକ୍ସ ଅଫିସ୍ରେ ହଇଚଇ ସୃଷ୍ଟି କରିଦେଇଥିଲା। ଫିଲ୍ମଟି ପ୍ରଥମ ଦିନରେ ୨୦.୨୧ କୋଟି ଟଙ୍କା ଆୟ କରି ରେକର୍ଡ଼ କରିଛି। ଦ୍ୱିତୀୟ ଦିନରେ ଏହା ୨୨.୭୧ କୋଟି ଓ ତୃତୀୟ ଦିନରେ ଏହା ୨୭.୨୯ କୋଟି ଆୟ କରିଛି।
https://twitter.com/taran_adarsh/status/1143036116716548096
https://twitter.com/taran_adarsh/status/1141792995534151681
ଫିଲ୍ମଟିକୁ ଦର୍ଶକଙ୍କର ଭଲ ପ୍ରତିକ୍ରିୟା ମିଳିଛି। ପ୍ରେମ, ବିଚ୍ଛେଦ ଏବଂ ବର୍ବାଦ୍କୁ ନେଇ ତିଆରି ହୋଇଥିବା ଏହି ଫିଲ୍ମରେ ଶାହିଦ୍ କପୁର୍ଙ୍କୁ ଏକ ଭିନ୍ନ ଅନ୍ଦାଜରେ ଦେଖିବାକୁ ମିଳିଛି। ଫିଲ୍ମରେ ଶାହିଦଙ୍କ ଲୁକ୍ ଓ ଅନ୍ଦାଜ ଦର୍ଶକଙ୍କୁ ବେଶ୍ ପସନ୍ଦ ଆସିଛି। ଫିଲ୍ମର ନିର୍ଦ୍ଦେଶନା ଦେଇଛନ୍ତି ସନ୍ଦିପ ବାଙ୍ଗା।
‘କବୀର୍ ସିଂହ’ ଶାହିଦ କପୁରଙ୍କ କ୍ୟାରିୟରର ସବୁଠୁ ବଡ଼ ଓପନର ଫିଲ୍ମ ସାବ୍ୟସ୍ତ ହୋଇଛି। ଏହା ପୂର୍ବରୁ ଏହି ରେକର୍ଡ଼ ‘ପଦ୍ମାବତ୍’ ନାଁରେ ଥିଲା। ଏହି ଫିଲ୍ମ ପ୍ରଥମ ଦିନରେ ୧୯ କୋଟିର ବିଜନେସ କରିଥିଲା। ଫିଲ୍ମରେ ଶାହିଦ୍ ରାଣୀ ପଦ୍ମାବତୀଙ୍କ ସ୍ୱାମୀ ରାଜା ରାୱଲ ରତନ ସିଂହଙ୍କ ଭୂମିକାରେ ଅଭିନୟ କରିଥିଲେ।
କେବଳ ଏତିକି ନୁହେଁ, ‘କବୀର୍ ସିଂହ’ ୨୦୧୯ର ଏବେ ପର୍ଯ୍ୟନ୍ତ ସବଠୁ ବଡ଼ ନନ୍ ହଲିଡେ ଓପନର ଫିଲ୍ମ ଭାବେ ମଧ୍ୟ ରେକର୍ଡ଼ କରିଛି। ଏଥିସହ 'ପଦ୍ମାବତ୍' ପରେ ପ୍ରଥମ ୱିକେଣ୍ଡରେ ଶାହିଦ୍ଙ୍କର ଏହା ସର୍ବାଧୀକ ଆୟ କରିଥିବା ଫିଲ୍ମ। 'କବୀର୍ ସିଂହ'ର ୱିକେଣ୍ଡର ଆୟ ଫିଲ୍ମ 'ଟୋଟାଲ୍ ଧମାଲ୍'କୁ ମଧ୍ୟ ପଛରେ ପକାଇ ଦେଇଛି। 'ଟୋଟାଲ୍ ଧମାଲ୍' ଓପନିଂ ୱିକେଣ୍ଡ କଲେକଶନ୍ ଥିଲା ୬୨.୪୦ କୋଟି।
https://twitter.com/taran_adarsh/status/1142312479642406912
ଅଭିନେତ୍ରୀ କିଆରା ଆଡଭାନୀଙ୍କ ପାଇଁ ମଧ୍ୟ ଏହା ସୋଲୋ ଲିଡ୍ ଭାବେ ସବୁଠୁ ବଡ଼ ଓପନର ଫିଲ୍ମ ହୋଇଛି। ଏହା ପୂର୍ବରୁ ଫିଲ୍ମ ‘ଏମ୍ଏସ୍ ଧୋନି’ ପ୍ରଥମ ଦିନରେ ୨୧.୩୦ କୋଟି ଟଙ୍କା ଆୟ କରିଥିଲା। ହେଲେ ସେହି ଫିଲ୍ମରେ କିୟାରାଙ୍କ ସହ ଦୀଶା ପାଟନୀ ମଧ୍ୟ ଲିଡ୍ ରୋଲ୍ରେ ଥିଲେ। ଫିଲ୍ମରେ କିୟାରାଙ୍କର ବେଶି ରୋଲ୍ ନଥିଲା।
https://twitter.com/taran_adarsh/status/1142313057793662976
‘କବୀର ସିଂହ’ ପ୍ରଥମ ଦିନରେ ୨୦.୨୧ କୋଟି ଟଙ୍କା ଆୟ କରି ୨୦୧୯ର ଏବେ ପର୍ଯ୍ୟନ୍ତ ଚତୁର୍ଥ ବଡ଼ ଓପନର ଫିଲ୍ମ ହୋଇଯାଇଛି। ସଲମାନଙ୍କ ‘ଭାରତ୍’ ୪୨.୩୦ କୋଟି ଆୟ କରି ପ୍ରଥମ ସ୍ଥାନରେ ରହିଛି। ଦ୍ୱିତୀୟ ନମ୍ବରରେ ୨୧.୬୦ କୋଟି ଟଙ୍କା ଆୟ କରି ଫିଲ୍ମ ‘କଲଙ୍କ’ ରହିଥିବାବେଳେ ଅକ୍ଷୟଙ୍କ ‘କେଶରୀ’ ୨୧.୦୬ କୋଟି ଆୟ କରି ତୃତୀୟ ସ୍ଥାନରେ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
