ନୂଆଦିଲ୍ଲୀ: ବଲିଉଡ୍ ଅଭିନେତ୍ରୀ ତଥା ସୁନୀଲ ଶେଟ୍ଟୀଙ୍କ ଝିଅ ଆଥିଆ ଶେଟ୍ଟୀ ବର୍ତ୍ତମାନ ନିଜର ଆଫେୟାରକୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି। ଏବେ ଖବର ମିଳିଛି ଯେ, ଆଥିଆ ଶେଟ୍ଟୀ ଟିମ୍ ଇଣ୍ଡିଆର ଷ୍ଟାର୍ ବ୍ୟାଟ୍ସମ୍ୟାନ୍ ଲୋକେଶ ରାହୁଲଙ୍କ ସହ ସହ ଡେଟ୍ କରୁଛନ୍ତି। ରିପୋର୍ଟ ଅନୁଯାୟୀ, ଦୁହେଁ ରିଲେଶନଶିପରେ ଅଛନ୍ତି।
ଖବର ମିଳିଛି ଯେ ରାହୁଲ୍ ବଲିଉଡର କୌଣସି ଅଭିନେତ୍ରୀଙ୍କ ସହ ସମ୍ପର୍କରେ ନାହାନ୍ତି, ଯାହାଙ୍କ ନାମ ତାଙ୍କ ସହ ଯୋଡ଼ା ଯାଉଛି। କିନ୍ତୁ ଜଣାପଡ଼ିଛି ଯେ, ଆଥିଆ ଓ ରାହୁଲ ପରସ୍ପରକୁ ଭଲ ପାଉଛନ୍ତି। କିନ୍ତୁ ଦୁହେଁ ଲୋକଙ୍କ ସାମ୍ନାକୁ ଏପର୍ଯ୍ୟନ୍ତ ଆସିନାହାନ୍ତି। ଦୁହିଁଙ୍କୁ ଏକାଠି ବୁଲୁଥିବାରୁ ଦେଖିବାକୁ ମଧ୍ୟ ମିଳିଛି। ଦୁହେଁ ଚଳିତ ବର୍ଷ ଫେବୃଆରୀର କିଛି ଦିନ ପୂର୍ବରୁ ଡେଟିଂ ଆରମ୍ଭ କରିଥିଲେ।
ସୂଚନାଯୋଗ୍ୟ, ଜଣେ ବନ୍ଧୁଙ୍କ ଜରିଆରେ ରାହୁଲ ଓ ଆଥିଆଙ୍କ ସାକ୍ଷାତ ହୋଇଥିଲା। ସେମାନଙ୍କ ଘନିଷ୍ଠ ବନ୍ଧୁ ଆକାଂକ୍ଷା ରଞ୍ଜନ ସୋଶାଲ ମିଡିଆରେ ଏକ ଫଟୋ ମଧ୍ୟ ଶେୟାର କରିଥିଲେ, ଯେଉଁଥିରେ ଆଥିଆ ଓ ରାହୁଲ ଏକାଠି ଅଛନ୍ତି। ଏହି ଫଟୋ ଚଳିତ ବର୍ଷ ଏପ୍ରିଲରେ ଶେୟାର କରାଯାଇଥିଲା।
https://www.instagram.com/p/Bwrl4SnBwcV/?utm_source=ig_web_copy_link
ଏ ସମ୍ବନ୍ଧରେ ଆଥିଆଙ୍କୁ ପଚରାଯିବାରୁ ସେ କିଛି ବି କମେଣ୍ଟ ଦେବାକୁ ମନା କରିଥିଲେ। ଅନ୍ୟପକ୍ଷରେ ରାହୁଲଙ୍କ ସହ ଏ ସମ୍ବନ୍ଧରେ କୌଣସି ଆଲୋଚନା ହୋଇପାରି ନାହିଁ। ତେବେ ରାହୁଲ ଓ ଆଥିଆଙ୍କ ଡେଟିଂ ଖବରରେ କେତେ ସତ୍ୟତା ରହିଛି, ତାହା ଆଗାମୀ ଦିନରେ ଜଣାପଡ଼ିଯିବ।
ଏହା ପୂର୍ବରୁ ରାହୁଲଙ୍କ ନାମ ଅଭିନେତ୍ରୀ ସୋନଲ ଚୌହାନ୍, ନିଧି ଅଗ୍ରୱାଲଙ୍କ ସହ ଯୋଡ଼ା ଯାଉଥିଲା। ତେବେ ଦୁଇ ଅଭିନେତ୍ରୀ ଏହି ଖବରକୁ ଖଣ୍ଡନ କରିଛନ୍ତି। ଏପରିକି ନିଧି ଅଗ୍ରୱାଲ୍ ରାହୁଲଙ୍କୁ ଭାଇ ବୋଲି ସମ୍ବୋଧିତି କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
