ଚେନ୍ନାଇ: ଆଜ ରିଲିଜ ହୋଇଛି ସୁପରଷ୍ଟାର ରଜନୀକାନ୍ତଙ୍କ ଅଭିନୀତ ଫିଲ୍ମ ‘କାଲା’। ଏହାର ପ୍ରଥମ ଶୋ’ ଭୋର ୪.୩୦ରୁ ଆରମ୍ଭ ହୋଇଛି। ଫିଲ୍ମରେ ରଜନୀକାନ୍ତ ଜଣେ ଗ୍ୟାଙ୍ଗଷ୍ଟାର ଭୂମିକାରେ ନଜର ଆସିଛନ୍ତି। ଏହି ଫିଲ୍ମ ଦେଖିବାପାଇଁ ଆଜି ଭୋରରୁ ଥିଏଟର ଆଗରେ ରଜନୀ ଫ୍ୟାନଙ୍କ ଲମ୍ବା ଲାଇନ ଦେଖିବାଲୁ ମିଳିଥିଲା। ରଜନୀ ପ୍ରେମୀ କେବଳ ଫିଲ୍ମକୁ ଉପଭୋଗ କରିନଥିଲେ, ବରଂ ଭିନ୍ନ ଭିନ୍ନ ଅନ୍ଦାଜରେ ଏହି ଅବସରକୁ ସେଲିବ୍ରେଟ ମଧ୍ୟ କରିଥିଲେ। ତାମିଲନାଡୁରେ ଫିଲ୍ମ ହଲ ଆଗରେ ରଜନୀଙ୍କ ପୋଷ୍ଟର ଉପରେ କ୍ଷୀର ଢାଳି ସେଲିବ୍ରେଟ କରିଥିଲେ ଫ୍ୟାନ। ସେହିଭଳି ଅନେକ ସ୍ଥାନରେ ଦର୍ଶକମାନେ ବାଣ ଫୁଟାଇ ଫିଲ୍ମ ରିଲିଜଜୁ ସ୍ୱାଗତ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
