ମୁମ୍ବାଇ: ୯୦ ଦଶକର ହଟ୍ ନାୟିକା ମମତା କୁଲକର୍ଣ୍ଣିଙ୍କୁ ନେଇ ପୋଲିସର ମୁଣ୍ଡବ୍ୟଥା। ଅଭିନେତ୍ରୀରୁ ଡ୍ରଗ୍ସ ସ୍ମଗଲର ପାଲଟି ଥିବା ମମତାଙ୍କ ସୁରାକ୍ ପାଉନି ପୋଲିସ। ସେପଟେ ବାରମ୍ବାର ସମନ୍ ପରେ ମମତା ଅଦାଲତରେ ହାଜର ହେଉ ନ ଥିବାରୁ ତାଙ୍କୁ ପଳାତକ ଘୋଷଣା କରାଯିବା ନେଇ ବିଚାର ଚାଲିଛି। ତାଙ୍କୁ ଫେରାର ଅଭିଯୁକ୍ତଭାବେ ଘୋଷଣା କରାଯାଉ ବୋଲି ଆଜି ପୋଲିସ ମୁମ୍ବାଇର ଥାଣେ କୋର୍ଟଙ୍କୁ ଅନୁରୋଧ କରିଥିଲେ ମଧ୍ୟ କୋର୍ଟ ଏହି ମାମଲାର ଶୁଣାଣି ଗୁରୁବାର ପର୍ଯ୍ୟନ୍ତ ଘୁଞ୍ଚାଇ ଦେଇଛନ୍ତି।
ଏହି ମାମଲାରେ ଗୁରୁବାର ଚୂଡ଼ାନ୍ତ ଶୁଣାଣି ହେବ ବୋଲି ଜଣାପଡ଼ିଛି। ସୂଚନା ଅନୁଯାୟୀ ଏଫିଡ୍ରାଇନ୍ ଡ୍ରଗ୍ସ୍ ବେଆଇନ କାରବାରରେ ମମତା ମୁଖ୍ୟ ଅଭିଯୁକ୍ତ ଥିବା ମୁମ୍ବାଇ ପୋଲିସ କହିଛି। ମମତାଙ୍କ ନାମରେ ୨୦୦୦ କୋଟି ଟଙ୍କାର ଡ୍ରଗ୍ସ୍ କାରବାର ନେଇ ପୋଲିସ ପାଖରେ ଅଭିଯୋଗ ରହିଛି। ଏହି ବେଆଇନ କାରବାରରେ ମମତାଙ୍କ ମୁଖ୍ୟ ସହଯୋଗୀଙ୍କୁ ପୂର୍ବରୁ କେନିଆରୁ ଗିରଫ କରାଯାଇଛି। ହେଲେ ମମତାଙ୍କ ସୁରାଗ୍ ପାଉନି ପୋଲିସ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।