ସେଲିବ୍ରେଟିଙ୍କ ଦାମି ବାଇକ୍‌, ଦାମ୍ ଶୁଣିଲେ ଘୁରିଯିବ ମଥା

ମୁମ୍ବାଇ: ଷ୍ଟାଇଲିସ୍‌ ବାଇକ୍‌ କାହାକୁ ଭଲ ନ ଲାଗେ କୁହନ୍ତୁ ତ ! ତା ହେଲେ ଏଥିରୁ ବଲିଉଡ୍‌ ଅଭିନେତାମାନେ କେମିତି ବା ବାଦ୍‌ ପଡ଼ିବେ। ଦାମିକିଆ କାର୍‌ ବ୍ୟବହାର କରୁଥିବା ଏହି ସେଲିବ୍ରେଟିମାନେ ବି ବାଇକ୍‌ର ଦିୱାନା। ଆଉ ତାଙ୍କ ବାଇକ୍‌ର ଦାମ୍‌ ବି ଖୁବ୍‌ ଅଧିକ । ତାହେଲେ ଚାଲନ୍ତୁ ଜାଣିବା ଅଭିନେତାମାନେ ଧରୁଥିବା ବଇକ୍‌ଗୁଡ଼ିକର ଦାମ୍ କେତେ ।

ସଲମାନ ଖାନ୍‌: ଦବଙ୍ଗ ଖାନ୍‌ଙ୍କୁ ସାଧାରଣତଃ ଆମେ ଷ୍ଟାଇଲିସ୍‌ ଅନ୍ଦାଜରେ ଆମେ ଦେଖିଥାଉ। ସାଧାରଣତଃ ସଲମାନ୍ ନିଜ ବ୍ରାଣ୍ଡ ବିଙ୍ଗ ହ୍ୟୁମାନ୍‌ ବାଇକ୍‌ ହିଁ ଚଲାନ୍ତି । କିନ୍ତୁ ସେ ସ୍ପୋର୍ଟ୍ସ ବାଇକ୍‌ର ବି ବହୁତ ସଉକ୍ ରଖନ୍ତି। ସେଇଥି ପାଇଁ  ତାଙ୍କ ପାଖରେ ଅନେକ ସ୍ପୋର୍ଟ୍ସ ବାଇକ୍‌ ଅଛି। ଯାହାର ମୂଲ୍ୟ ୧୦ରୁ ୨୦ ଲକ୍ଷ ଟଙ୍କା । ଆଉ ତାଙ୍କର ପସନ୍ଦର ବ୍ରାଣ୍ଡ ହେଉଛି ୟାମାହା ଆର୍‌-୧। ତାଙ୍କପାଖରେ ୧୮୦୦ ଆରଜେଟ୍‌ ବାଇକ୍‌ଟିଏ ମଧ୍ୟ ଅଛି ଯାହାର ମୂଲ୍ୟ ୧୬ ଲକ୍ଷ ଟଙ୍କା।

ସାହିଦ୍ କପୁର: ସାହିଦ୍‌ କପୁରଙ୍କୁ ବାଇକ୍‌ ରାଇଡିଂ ବହୁତ ଭଲଲାଗେ। ସେଥିପାଇଁ ସାହିଦ୍‌ ନିଜ ବିବାହ ପରେ  “ହାର୍ଲ ଡେବିଡ୍‌ସନ୍‌ ଫ୍ୟାଟ୍‌ ବୟ” ବାଇକ୍‌ କିଣିଛନ୍ତି। ଯାହାର ମୂଲ୍ୟ ୧୫ ଲକ୍ଷ ଟଙ୍କା। ଏହାଛଡା ତାଙ୍କ ପାରେ ଆଉ ଏକ ୟାମାହା ଏମ୍‌ଟି-୦୧ ବି ଅଛି।

ଜନ୍‌ ଆବ୍ରାହମ୍‌: ଜନ୍‌ ବାଇକ୍‌ ଚଲେଇବାକୁ ଖୁବ୍‌ ଭଲ ପାଆନ୍ତି। ସେଥିପାଇଁ ପାଖରେ ରଖିଛନ୍ତି ଅନେକ ବ୍ରାଣ୍ଡର ଗାଡ଼ି। କିନ୍ତୁ ତାଙ୍କର ସବୁଠାରୁ ପସନ୍ଦିଦା ବାଇକ୍‌ ହେଉଛି ‘ୟାମାହା ବି ମେକ୍ସ’ । ଯାହାର ମୂଲ୍ୟ ୩୦ ଲକ୍ଷ ଟଙ୍କା।

ବିବେକ୍‌ ଓବରୟ:  ବିବେକ ଓବରୟଙ୍କ ପାଖରେ ରହିଛି ଡ୍ୟୁକାଟି ୧୦୯୬ ଓ ଡ୍ୟୁକାଟି ୧୦୯୮ । ଏହି ବ୍ରାଣ୍ଡେଡ୍‌ ବାଇକ୍‌ର ମୂଲ୍ୟ ୪୫ ଲକ୍ଷ ଟଙ୍କା।

ରଣବୀର କପୁର: କାର୍‌ରେ ଯିବା ରଣବୀର କପୁରଙ୍କୁ ଅଧିକ ପସନ୍ଦ । ତଥାପି ତାଙ୍କ ପାଖରେ ଅଛି ହାର୍ଲେ ଡେଇଡ୍‌ସନ୍‌ ବାଇକ୍‌। ଏହି ବାଇକ୍‌ ସଞ୍ଜୟ ଦତ୍ତ ତାଙ୍କୁ ଉପହାର ଦେଇଛନ୍ତି । ଯାହର ମୂଲ୍ୟ ୫ଲକ୍ଷରୁ ଆରମ୍ଭ କରି ୫୩ ଲକ୍ଷ ପର୍ଯ୍ୟନ୍ତ।

ଆର୍‌ ମାଧବନ: ଅଭିନେତା ଆର୍‌ ମାଧବନ୍‌ଙ୍କ ପାଖରେ ୧୩୦୦ ଆର୍‌ ବାଇକ୍‌ ଅଛି। ଯାହାର ମୂଲ୍ୟ ପାଖାପାଖି ୨୪ ଲକ୍ଷ ଟଙ୍କା।

ସଞ୍ଜୟ ଦତ୍ତ: ସଞ୍ଜୟ ଦତ୍ତଙ୍କ ପାଖରେ ବି ଅନେକ ଦାମୀ ବାଇକ୍‌ ଅଛି। ସେଥିମଧ୍ୟରୁ ତାଙ୍କ ପାଖରେ ଥିବା ହାର୍ଲେ ଡେଭିଡ୍‌ସନ୍ ଫ୍ୟାଟ୍‌ ବୟ ବାଇକ୍‌ର ମୂଲ୍ୟ ୧୫ ଲକ୍ଷ ଟଙ୍କା । ଏବଂ ତାଙ୍କ ସବୁଠାରୁ ପ୍ରିୟ ବାଇକ୍‌ ଡୁକାଟି ମୁସ୍ତିଷ୍ଟ୍ରାର ମୂଲ୍ୟ ୧୪ ଲକ୍ଷ ଟଙ୍କା।