ଶିଉଳି କହୁଛି ମୁଁ ବେଶ୍ୟା…

ଭୁବନେଶ୍ୱର (ଓଡ଼ିଶା ରିପୋର୍ଟର): ‘ହେ… ହେ… କେମିତି ବେହେଲା ବାଜିବ? ମୁଁ କ’ଣ ସେହି ଲବଙ୍ଗ ଦୀପରେ ଲାବଣ୍ୟବତୀ ହୋଇ ରହିଛି। ହେ… ହେ… ହେ… ମୁଁ ପରା ଗୋଟିଏ xxx… ବେଶ୍ୟା… ବେ ଚୁପ୍‌… ମୋତେ ଦେଖି କ’ଣ ଭୋକୁଛ ବେ? ମୋତେ ଦେଖି କ’ଣ ଭୋକୁଛ ବେ? ମୋତେ କ’ଣ ଲୋଭ କରୁଛ? ଆସବେ ଆସ… ନେତା ଓ ମନ୍ତ୍ରୀ ସମସ୍ତେ ମୋତେ ଉପଭୋଗ କଲେ। ଆସବେ ଆସ ମୋତେ ଖାଇଯାଅ…।’

ଦୁନିଆକୁ ଏପରି ତାଚ୍ଛଲ୍ୟ କରୁଛନ୍ତି ଶିଉଳି। କାହିଁକି ଏମିତି କହୁଛନ୍ତି ଶିଉଳି? ତା’ହେଲେ ସେ କ’ଣ ଜଣେ ବେଶ୍ୟା? କିଏ ତା’ହେଲେ ଶିଉଳିକୁ ସଜାଇଛି ବେଶ୍ୟା? କାହିଁକି ସେ ବଦନାମ ଗଳିକୁ ଗଲେ? ଏହା ପଛରେ କେଉଁମାନେ ଅଛନ୍ତି? ଏହି ପ୍ରଶ୍ନର ଉତ୍ତର ଦେବ ନୂଆ ଯାତ୍ରା ନାଟକ “ଗଙ୍ଗାଠୁ ପବିତ୍ର ଗଙ୍ଗଶିଉଳି”।

ଶିଉଳି ଚରିତ୍ରରେ ଅଛନ୍ତି ମାମା

ପରିସ୍ଥିତିରେ ପଡ଼ି ଶିଉଳି ବଦନାମ ଗଳିକୁ ଚାଲି ଯାଇଛି। ଆଗକୁ ନାଟକ ଯେତିକି ବଢ଼ୁଛି, ପ୍ରତିଟି ଚରିତ୍ର ଗୋଟେ ଗୋଟେ ପ୍ରଶ୍ନବାଚୀ ପାଲଟି ଯାଉଛନ୍ତି। “ଗଙ୍ଗାଠୁ ପବିତ୍ର ଗଙ୍ଗଶିଉଳି” ନାଟକରେ ଶିଉଳି ଚରିତ୍ରରେ ଅଛନ୍ତି ଚର୍ଚ୍ଚିତ ନାୟିକା ମାମା। ଆଉ ତାଙ୍କ ନାୟକ ସାଜିଛନ୍ତି ହ୍ୟାଣ୍ଡସମ୍‌ ଓ ସଂଳାପ ମାଷ୍ଟର ଅଭିନେତା ସୁବାସ ବେହେରା। ରାଜେନ୍ଦ୍ର ରାଉଳ ଏହାର ସଂଳାପ ଲେଖିଥିବା ବେଳେ ମହେଶ ହାଜରା ଏହାର ନିର୍ଦ୍ଦେଶନା ଭାର ସମ୍ଭାଳିଛନ୍ତି।

ନାଟ୍ୟକାର ରାଜେନ୍ଦ୍ର ରାଉଳ କହିଛନ୍ତି, ସାଧାରଣତଃ ସମାଜରେ ଗଙ୍ଗଶିଉଳିକୁ ଲୋକେ ପୂଜା କରନ୍ତି ନାହିଁ କି ସମ୍ମାନ ମଧ୍ୟ ଦିଅନ୍ତି ନାହିଁ। କିନ୍ତୁ ବେଳେବେଳେ ଏମିତି ପରିସ୍ଥିତି ଆସେ ଯେ, ଦୁନିଆର ସବୁଠୁ ଅଦରକାରୀ ଜିନିଷ ବହୁ ଦରକାରରେ ଆସେ। ଯାହା ଗଙ୍ଗାଠୁ ବି ପବିତ୍ର ହୋଇପାରେ। ଆଉ ଏସବୁ ଏହି ନାଟକରେ ଦେଖିବାକୁ ମିଳିଛି।

ସେ ଆହୁରି କହିଛନ୍ତି,‘ଗଙ୍ଗାଠୁ ପବିତ୍ର ଗଙ୍ଗଶିଉଳି’ ନାଟକକୁ ଏକ ଭିନ୍ନ ଢଙ୍ଗରେ ଉପସ୍ଥାପନା କରାଯାଇଛି। ନାଟକର ନିର୍ଦ୍ଦେଶକ ମହେଶ୍‌ ହାଜ୍‌ରା ମୋତେ ସଂଳାପ ଲେଖିବାରେ ବହୁତ ସାହାଯ୍ୟ କରିଛନ୍ତି। ସବୁଠୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି, ନାଟକକୁ ସରସ ସୁନ୍ଦର କରିବା ପାଇଁ ରଙ୍ଗମହଲ ଯାତ୍ରା ଅନୁଷ୍ଠାନର ପରିଚାଳକ ସତ୍ୟ ଜେନା ଆମକୁ ସବୁ ପ୍ରକାର ସ୍ୱାଧୀନତା ଦେଇଛନ୍ତି, ଯାହା ଅନ୍ୟ ଯାତ୍ରା ଅନୁଷ୍ଠାନରେ ଦେଖିବାକୁ ମିଳେ ନାହିଁ।

ରାଜେନ୍ଦ୍ର କହିଛନ୍ତି, ‘‘ଗଙ୍ଗାଠୁ ପବିତ୍ର ଗଙ୍ଗଶିଉଳି’’ ନାଟକରେ କୌଣସି ଦ୍ୱିଅର୍ଥ ବୋଧକ ଅବା ଅଶ୍ଳୀଳ ଶବ୍ଦ ପ୍ରୟୋଗ କରାଯାଇନାହିଁ। ନାଟକର ପ୍ରତ୍ୟେକ ଚରିତ୍ରକୁ ଉଚିତ ସମ୍ମାନ ଦିଆଯାଇଛି।

ସୂଚନାଯୋଗ୍ୟ, ୟା ଭିତରେ ଏହି ନାଟକରେ ଟ୍ରେଲର୍ ରିଲିଜ୍ ହୋଇସାରିଛି। ଏହାକୁ ସୋଶାଲ୍ ମିଡିଆରେ ଲୋକେ ବେଶ୍ ପସନ୍ଦ ମଧ୍ୟ କରିଛନ୍ତି।

ଦେଖନ୍ତୁ ନାଟକ ‘ଗଙ୍ଗାଠୁ ପବିତ୍ର ଗଙ୍ଗଶିଉଳି’’ର ଟ୍ରେଲର…

Trelair…..#Gangathu_Pabitra_Ganga_Siuli

Jatra Rangamahal यांनी वर पोस्ट केले गुरुवार, ४ एप्रिल, २०१९

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।