ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଶାର ଯୁବପିଢି ଗ୍ଲାମର ଓ ଅଭିନୟ କ୍ଷେତ୍ରରେ ବେସ୍ ପାରଦର୍ଶିତା ଲାଭ କରୁଛନ୍ତି। ଜାତୀୟସ୍ତରରେ ଅଭିନୟ କରି ଅନେକ ଓଡ଼ିଆ ଝିଅ ଓ ପୁଅ ଏବେ ନାଁ କମେଇବାରେ ଲାଗିଛନ୍ତି। ଓଡ଼ିଆ କଳାକାରମାନେ ଖାଲି ଓଡ଼ିଆ ଭାଷା ଭିତ୍ତିକ କାର୍ଯ୍ୟକ୍ରମରେ ସୀମିତ ନ ରହି ହୀନ୍ଦି ଫିଲ୍ମ ଏବଂ ସିରିଏଲ୍ରେ କାମ କରି ନାଁ କମେଇଲେଣି।
ନିକଟରେ ଏହି ତାଲିକାରେ ସମ୍ଭାବନା ମହାନ୍ତିଙ୍କ ନାଁ ଯୋଡି ହୋଇଯାଇଛି। ସମ୍ଭାବନା ହେଉଛନ୍ତି ଅଭିନେତ୍ରୀ ସ୍ନିଗ୍ଧା ମହାନ୍ତିଙ୍କ ଝିଅ। ସମ୍ଭାବନା ଏବେ ZEE TVରେ ପ୍ରସାରିତ ହେଉଥିବା ସିରିଏଲ୍ ‘ରାଜା ବେଟା’ରେ ଅଭିନୟ କରୁଛନ୍ତି। ସିରିଏଲ୍ରେ ତାଙ୍କ ଚରିତ୍ରର ନାଁ ରହିଛି 'ପୁରଭା'। ତାଙ୍କ ବିପକ୍ଷରେ ରାହୁଲ ସୁଧୀର ରହିଛନ୍ତି। ଏହି ଧାରାବାହିକରେ କେମିତ ଗୋଟେ ପୁଅ ସମସ୍ତ ପରିସ୍ଥିତିକୁ ସମ୍ଭାଳି ପରିବାରକୁ ଖୁସିରେ ରଖିବାକୁ ଚାହୁଁଛି ତାହା ଦର୍ଶାଯାଇଛି।
ସୂଚନା ଅନୁଯାୟୀ, ସମ୍ଭାବନା 'ମୁଁ ରାଜା ତୁ ରାଣୀ' ଫିଲ୍ମରେ ମାଧ୍ୟମରେ ଓଲିଉଡ୍ରେ ଡେବ୍ୟୁ କରିଥିଲେ। ଏହି ଫିଲ୍ମରେ ସୁପରଷ୍ଟାର ଅରିନ୍ଦମ ରାୟ ତାଙ୍କ ବିପକ୍ଷରେ ଅଭିନୟ କରିଥିଲେ।
କେବଳ ସମ୍ଭାବନା ନୁହଁନ୍ତି ପୂର୍ବରୁ ଓଡ଼ିଆ ଝିଅ ପ୍ରକୃତି ମିଶ୍ରଙ୍କୁ ‘ଆଣ୍ଡ ଟିଭି’ରେ ପ୍ରସାରିତ ହେଉଥିବା ସିରିଏଲ୍ 'ବେଟି ବିଜ୍ନେସ୍ୱାଲି'ରେ ଦେଖିବାକୁ ମିଳିଥିଲା। ନିକଟରେ ରୋହିତ୍ ସେଟ୍ଟୀଙ୍କ ଫିଲ୍ମ 'ସିମ୍ବା'ରେ ମଧ୍ୟ ଜଣେ ଓଡ଼ିଆ ଝିଅ ସୁପ୍ରିୟା ରାୟଙ୍କୁ ଦେଖିବାକୁ ପାଇଥିଲେ ଦର୍ଶକ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
