ମୁମ୍ବାଇ: ଆଜି ଭାଲେଣ୍ଟାଇନ ଡେ’ରେ ରିଲିଜ୍ ହୋଇଯାଇଛି ବହୁ ପ୍ରତୀକ୍ଷିତ ଫିଲ୍ମ ‘ଓରୁ ଅଦାର ଲଭ୍’। ମାଲାୟଲମ ଫିଲ୍ମ ‘ଓରୁ ଅଦାର ଲଭ୍’ରେ ମୁଖ୍ୟ ଭୂମିକାରେ ନଜର ଆସିଛନ୍ତି ପ୍ରିୟ ପ୍ରକାଶ ଏବଂ ରୋଶାନ ଅବ୍ଦୁଲ। ଫିଲ୍ମର ନିର୍ଦ୍ଦେଶନା ଦେଇଛନ୍ତି ଏମାର ଲୁଲୁ। ଫିଲ୍ମ ପରଦାକୁ ଆସିବା ପୂର୍ବରୁ ଫିଲ୍ମର ଟିଜର ସୋସିଆଲ ମିଡିଆରେ ଭାଇରାଲ ହୋଇଥିଲା। ଟିଜର ରିଲିଜର ୨୪ ଘଣ୍ଟା ମଧ୍ୟରେ ଏହାକୁ ୧୫ ଲକ୍ଷରୁ ଅଧିକ ଥର ଦର୍ଶକ ଦେଖିଥିଲେ।
ଗତବର୍ଷ ଭାଲେଣ୍ଟାଇନ ଡେରେ ‘ଓରୁ ଅଦାରୁ ଲଭ୍’ର ହିରୋଇନ୍ ପ୍ରିୟା ପ୍ରକାଶଙ୍କୁ ନେଇ ଚର୍ଚ୍ଚା ଜୋର ଧରିଥିଲା। ପ୍ରିୟାଙ୍କର ଆଖିମାରୁଥିବାର ଏକ ଭିଡିଓ ବେଶ୍ ଭାଇରାଲ ହୋଇଥିଲା। ୨୪ ଘଣ୍ଟା ମଧ୍ୟରେ ଇଣ୍ଟରନେଟ୍ ସେନ୍ସେସନ୍ ପାଲଟିଯାଇଥିଲେ ପ୍ରିୟା। ରାତାରାତି ଷ୍ଟାର ହୋଇଯାଇଥିଲେ। ତାଙ୍କ ଇନଷ୍ଟାଗ୍ରାମରେ ତାଙ୍କୁ ପ୍ରାୟ ୫୦ ଲକ୍ଷରୁ ଅଧିକ ଲୋକ ଫୋଲୋ କରିଥିଲେ। ଏମିତିକି, ପ୍ରିୟାଙ୍କୁ ନ୍ୟାସନାଲ୍ କ୍ରସ୍ ବୋଲି ମଧ୍ୟ କୁହାଯାଇଥିଲା।
https://youtu.be/72Uft7zHSXs
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
